Bir milyondan çox zəvvar Mədinə Quran Çap Mərkəzini ziyarət edib
Səbk saytının verdiyi məlumata görə, bu səfər zamanı zəvvarlara dünyanın ən böyük Quran çap mərkəzində hər il 20 milyondan çox Quran çap edən Qurani-Kərimin çapının mexanizmləri və müxtəlif mərhələləri haqqında məlumat verilib.
Zəvvarlara Qurani-Kərimlə yanaşı, nəşr olunan digər kitablar və proqramlar da təqdim edilib. Onun 76-dan çox beynəlxalq dilə tərcümələri və tətbiqləri bunlardan ən mühümləri sırasındadır.
Zəvvarlar yazılı əsərlərlə yanaşı proqram təminatı və smartfon proqramları ilə də tanış olmaq imkanı əldə ediblər.
Bundan əlavə, görmə və eşitmə məhdudiyyətli insanlar üçün Quranın oxunması və dinlənməsi üçün xüsusi Quran şriftləri və səs texnologiyaları kimi digər texnologiyalar təqdim edilib.
Mədinə Quran Çap Mərkəzinin son illərdəki ən mühüm inkişaflarından biri Qurani-Kərimin yazılı nüsxələrinin çapında yeni texnologiyaların inkişafıdır.
Beytül-Hərəm zəvvarları İslam dünyasında ən böyüyü olan bu mərkəzi ziyarət etməyi həmişə öz proqramlarının bir hissəsinə çeviriblər.
4226041
