Xristian mütəfəkkiri: "Aşura hadisəsinin arxa planını anlamalı və oxumalıyıq"
Papa Əbdü Əbu Qasim “İQNA”ya verdiyi müsahibəsində Aşura hadisəsinin şiələr üçün mühüm dini bayram olduğunu, zülm və fitnə-fəsadın qarşısında dayanmağın simvolu olduğunu və müsəlmanların İmam Hüseyni (ə) dövrün zülmünə qarşı haqq və ədalət yolunda dayanan cəsur bir qəhrəman kimi gördüklərini söylədi.
Xristian mütəfəkkiri İmam Hüseynin (ə) qiyamının üzücü hadisə olsa da, zülmə qarşı durmaq, ədalət və şərəf yolunda fədakarlıq etmək kimi ümumi bəşəri dəyərlərə dair mesajlar ehtiva etdiyini bildirib.
O, xristianlıqda mühüm əhəmiyyət kəsb edən Aşura günü ilə bağlı bəzi tarixi hadisələrə toxunaraq bildirdi ki, İmam Hüseynin (ə) ümməti üçün etdiyi fədakarlıq onun başqa insanlar üçün etdiyi fədakarlığı ifadə edir.
Həmçinin O, Həzrət Məsihin (ə) insanlıq və bəşəriyyətin xilası üçün özünü fəda etdiyini bildirmişdir.
Katolik Media Mərkəzinin prezidenti “Bəlkə də bu tarixi hadisə ilə xristian inancları arasında oxşarlıqlar var. Ancaq iman anlayışı baxımından Həzrət İsanın (ə) bütün bəşəriyyət üçün qurban verməsi ilə İmam Hüseynin (ə) Aşura günü hər cür ixtilaf və zülmün qarşısını almaq üçün kəsdiyi qurban arasında fərq vardır” dedi.
Livanlı xristian din xadimi İslam mədəniyyətini canlandıran Aşura gününə xristianların reaksiyasından da danışıb.
Sonda, xristian din alimi müxtəlif mədəniyyətlərin və dinlərin xüsusi günlərini başa düşmək və onlara hörmət etmək üçün bəzi tövsiyələr verdi.
"Aşura hadisəsi ilə qarşılıqlı əlaqədə olmaq üçün onun mahiyyətini başa düşmək və oxumaq lazımdır" deyən din xadimi, Aşura hadisəsinin İmam Hüseynin (ə) babasının ümməti üçün etdiyi islahatların başlanğıcı olduğunu və o Həzrətə Kərbəlaya getməmək tövsiyə edilsə də, o, öz ümməti üçün canını və ailəsini fəda edərək Kərbəlaya getdi.
Xristian din xadimi İmam Hüseynin (ə) Kərbəlaya səfərinin məqsədinin şəxsi deyil, onun babasının ümmətini islah etmək olduğunu bəyan edib. Bundan əlavə, o, nifaq və zülmə qarşı mübarizə aparmaq üçün bu yola çıxdığını bəyan edib.
Ümmü Rəcəb adlı bir xristian qadının oğlu ilə birlikdə Aşura qiyamında vuruşduğunu və şəhid olduğunu bildirən papa, xristianların bu hadisə ilə əlaqə saxlamalı olduğunu, sağlam cəmiyyət qurmaq üçün bütün livanlıların və dinlərin ixtilaf, fitnə və zülmə qarşı mübarizədə cəsarətli addımlar atmalı olduğunu söylədi.
4227692
