Avstraliyalı bir müsəlmanın İmam Əlinin (ə) məqbərəsini ziyarət etməsi hekayəsi
Avstraliyalı müsəlman Aleksandr Kerl Nəcəfdə İmam Əlinin (ə) məqbərəsinə gələndə bütün dünyadan fərqli bir dünya ilə qarşılaşdığını bildirib. O, Ərbəin səfərini və mənəvi səfəri belə izah edir:
İmam Əlinin (ə) məqbərəsini ziyarət edəndə tamam başqa bir aləmlə qarşılaşdım. Qəbirdə mənə nəsə oldu. İmam Əlinin (ə) zərihinə toxunmaq istədim, bacarmadım. Qardaşlarımdan biri məndən niyə zərihə toxunmadığımı soruşdu. Mən ona dedim ki, burada hamı ona toxunmaq istəyir. Sonradan zərihə toxunanda özümü boşluqda hiss etdim.
Dünyanın ən güclü adamının ruhuna toxunurdum.
İkinci ildir ki, İraqa gəlirəm. Mən sizə Həzrət Əbülfəz Abbasın (ə) türbəsindən danışmaq istəyirəm.
Həzrət Əbülfəz Abbasın (ə) şəhadət hekayəti məni çox təsirləndirdi. Bu ziyarətgaha gedəndə çox duyğulandım və ağlamağa başladım. Məhəmməd (s) və ailəsi üçün canını fəda edən, əli kəsilib nizə ilə vurulan, İmam Hüseyn (ə) və övladlarına su gətirmək üçün canını fəda edən bir insanın qarşısında idim. Həzrət Əbülfəzl Abbasın (ə) məqbərəsinin yanında olmaq inanılmaz idi.
İmam Hüseynin (ə) məqbərəsində tamam başqa duyğular yaranır. Kədər və qəm selində ağlamağa başladım. Hamı qəbri ziyarət etmək üçün su kimi axırdı. Ahənglə hərəkət edən insanların seli böyük idi və ziyarətçilər arasında azdım.
İmam Hüseynin (ə) Ərbəin mərasiminin mənəvi mühiti digər dövrlərdən fərqlidir. Dünyanın hər yerindən insanların İmam Əlini (ə), Həzrət Hüseyni (ə) və Əbülfəz Abbası (ə) ziyarətə gəldiyini və onların Əhli-beytə (ə) məhəbbətini dörürük.
Hamı məni İsgəndər kimi tanıyır. Ailəm məni həmişə bu adla çağırır. İmam Əlinin zərihinə toxunanda fikirləşdim ki, mən artıq İsgəndər olmaq istəmirəm, Əli adlanmaq istəyirəm.
4232297
