Ərəb ölkələri İsraillə əlaqələri kəsməlidir
İslami Müqavimət Hərəkatı HƏMAS-ın yüksək vəzifəli məsullarından Üsamə Həmdan ərəb ölkələrinin xarici işlər nazirləri qarşısında çıxışında deyib: "Sionist rejim Qəzzada Fələstin xalqına qarşı cinayət və soyqırım törətməkdə davam edir ki, bunun son nümunəsi də Fələstin xalqının Xan Yunis şəhərindəki Movasi cinayətidir.
Usamə Həmdan işğalçı rejimin Qəzzanı mühasirəyə almağa davam etdiyini və aclığın və müxtəlif xəstəliklərin yayıldığı şimal bölgəsinin sakinləri başda olmaqla xalqa təzyiq göstərdiyini vurğulayıb.
Həmdan aydınlaşdırıb ki, sionist hökumət daha çox qətllər və cinayətlər törətməklə və icrası mümkün olmayan şərait yaratmaqla əsirlərin dəyişdirilməsi ilə bağlı razılaşmanın əldə olunmasına mane olur.
O əlavə edib: "Ümid edirik ki, ərəb xarici işlər nazirlərinin görüşü sionist rejimə müharibənin dayandırılması və Qəzzə keçidlərinin yenidən açılması üçün təzyiqlər göstərməyə səbəb olacaq".
Üsamə Həmdan qeyd edib ki, işğalçı rejim təkcə Fələstin xalqını təhdid etmir, həm də ərəb ölkələrinin milli təhlükəsizliyinə təhdid sayılır.
Həmdan Qəzza keçidlərinin yenidən açılması, Fələstin xalqına humanitar yardımın göstərilməsi və işğalçı rejimin onlara qarşı cinayətlərinin ifşası və pislənməsi üçün səy göstərməyə çağırıb.
Üsamə Həmdan ərəb ölkələrinin xarici işlər nazirlərinə müraciət edərək, “Sizi Qüds və Fələstini dəstəkləməyə, düşmənin planlarının həyata keçirilməsinin qarşısını almağa, işğalçı rejimlə əlaqələri kəsməyə çağırırıq” dedi.
O əlavə edib: "Biz ərəb xarici işlər nazirlərinin Qəzzada soyqırım təcavüzünü dayandırmaq üçün işğalçılara və onların havadarlarına təzyiqə səbəb olacaq görüşlərini səbirsizliklə gözləyirik.
Həmdan vurğulayıb: "Sionist rejimlə siyasi, diplomatik və iqtisadi əlaqələri kəsmək üçün xarici işlər nazirlərinin görüşünü gözləyirik".
4235961
