Misirli bir keşişin Peyğəmbərin (s) mövlud ildönümü münasibətilə gözəl hərəkəti
"İQNA"-nın Əl-Düstur-a istinadən verdiyi məlumata görə, Kopt Katolik Kilsəsinin keşişi Yunis Ədib hər il etdiyi ənənəyə uyğun olaraq, Misirdəki müsəlmanlar və qibtilər (xristianlar) arasındakı qarşılıqlı əlaqəni və dostluğu nümayiş etdirmək və bir-birlərinin bayramlarında iştiraklarını canlı saxlamaq üçün şirniyyat paylayıb.
Qırmızı dənizin Misir sahilində yerləşən Qərdfa şəhərindəki bu katolik keşiş, şad bir atmosfer yaratmaq və müsəlmanlarla həmrəyliyini göstərmək məqsədi ilə Peyğəmbərin (s) mövludunda şirniyyat paylamışdır.
O, şirniyyatları bütün insanlara, xüsusən də bu şəhərin süpürgəçilərinə və inşaatçılarına paylayaraq dedi: "Peyğəmbərin (s) mövludu Misir müsəlmanları və xristianları arasında sevgi, mehribanlıq və xeyirxahlıq gətirən xoşbəxt bir hadisədir. Bu, müsəlman qardaşların bayramında iştirak etmək üçün yaxşı fürsətdir".
O əlavə etdi: "Müsəlmanlar qibti bayramlarında iştirak etdiyi kimi, biz xristianlar da dostluq və qardaşlıq mesajı vermək üçün İslam bayramlarında iştirak edirik".
O bildirib: "Əziz Peyğəmbərin (s) mövludunun ildönümündə mərhəmət və sülh kimi gözəl fəzilətləri xatırlayır və misirlilər arasında salam və məhəbbət və onlarla dostluq mübadiləsini fürsət hesab edirik. Misirlilər, həm müsəlmanlar, həm də xristianlar, dini mərasimlərdə məhəbbət mübadiləsi aparmağa və aralarındakı bağı gücləndirməyə can atırlar".
Bu katolik keşiş əlavə etdi: "Bu, vahid torpaqda qarşılıqlı əlaqə və məhəbbət əlaməti və vətənimiz və ölkədəki qardaşlarımız arasında empatiya mühitidir".
Ramazan ayında Misir mediası da bu misirli keşişin bu il mübarək Ramazan ayında ehtiyacı olanlar arasında iftar paylaması ilə bağlı gözəl hərəkətini yüksək qiymətləndirib.
Koptlar Misir əhalisinin 10%-ni təşkil edir və bu ölkənin müsəlman və xristian şəxsiyyətləri dinlərarası dostluq və birlik mesajını çatdırmaq üçün xüsusi dinlərarası proqramlarda iştirak edirlər.
4236522
