Amsterdamda qeyri-müsəlman turistləri qəbul edən tarixi məscid
"İQNA"-nın verdiyi xəbərə görə, kilsədən çevrilən bu məscidin tikintisinə 1927-ci ildə başlanılıb və iki il davam edib. 1971-ci ilə qədər kilsə kimi xidmət edib.
Kilsəyə gələn xristianların sayının azalması bu binanın zamanla ticarət mağazası və anbar kimi istifadə olunmasına səbəb olmuşdur.
Baxımsız qalan bina 1981-ci ildə Hollandiya türk əsilli İbrahim Kormazın rəhbərliyi ilə vətəndaşlar tərəfindən satın alınaraq növbəti il məscidə çevrilmiş və o vaxtdan müsəlmanlara dini xidmət göstərməyə başlamışdır.
Fatih Məscidi adı ilə fəaliyyət göstərən məscid 1986-cı ildə Hollandiya Dini İşlər Fonduna üzv olub və məscid 2010-cu ildə tamamilə təmir olunub. Bu bina Hollandiyanın tarixi abidəsi kimi təsnif edilir və qeyri-müsəlman turistləri də qəbul edir.
Şəhərin ortasında yerləşən məscid çoxsaylı ziyarətçilərin marağına səbəb olur və turistlər də müəyyən gün və saatlarda məscidi ziyarət edərək Türkiyənin dini adət-ənənələri və mədəni irsi ilə yaxından tanış olmaq imkanı əldə edirlər.
Bu məsciddə dini mərasimlərdən tutmuş maarifləndirməyə və s. kimi geniş fəaliyyətlər həyata keçirilir.
Bundan əlavə, məscidin göstərilən xidmətləri genişləndirmək məqsədilə “Hollandiyanın ən böyük muzeyi” layihəsində iştirak etməsi onun nüfuzunu artıracaq.
Onu müsəlmanlar və qeyri-müsəlmanlar arasında təbliğ etmək məqsədi ilə edilir.
Bu layihə çərçivəsində məscid haqqında holland, ingilis, ərəb və türk dillərində mətn və şəkilli broşürlər hazırlanmışdır.
4237047
