Səudiyyə Ərəbistanı sionist rejimin İrana hücumunu pisləyib

İQNA - Səudiyyə Ərəbistanı sionist rejimin İrana hərbi hücumunu kəskin şəkildə pisləyib və bu hərəkəti İranın suverenliyinin pozulması və beynəlxalq hüquqa zidd addım hesab edib.

Səudiyyə Ərəbistanı Xarici İşlər Nazirliyi sionist rejimin İrana qarşı həyata keçirdiyi hərbi hücumu pisləyib və bu hərəkəti İranın suverenliyini pozan, beynəlxalq hüquq və qaydalara zidd addım kimi qiymətləndirib.
Ər-Riyad bəyanatında regional gərginliyə son qoyulması və münaqişələrin yayılmasının qarşısının alınmasının zəruriliyi ilə bağlı mövqeyini vurğulayaraq, bu gərginliyin region ölkələri və xalqlarının təhlükəsizliyini və sabitliyini təhdid etdiyini bildirib.