ABŞ İsrail hökumətini UNRWA qadağasını dayandırmağa çağırıb
ABŞ administrasiyası İsrail hökumətini İsrail parlamentinin təsdiqlədiyi və Birləşmiş Millətlər Təşkilatının (BMT) Yaxın Şərqdəki Fələstinli Qaçqınlara Yardım və İşlər üzrə Agentliyinin (UNWRA) fəaliyyətinə son qoyacaq qanunun icrasını dayandırmağa çağırıb.
Ağ Evin sözçüsü Karine Jean-Pierre gündəlik mətbuat brifinqində İsrailin UNRWA-nın fəaliyyətini qadağan etmək üçün atdığı son addımı dəyərləndirib.
Jean-Pierre, "UNRWA-nın İordan çayının qərb sahili, Qəzza və Şərqi Qüdsdəki əməliyyatlarına son verə biləcək qanundan dərin narahatıq. İsrail hökumətini bu qanunun tətbiqini dayandırmağa çağırırıq" dedi.
UNRWA-nın öz missiyasını sağlam şəkildə yerinə yetirə bilməsinin vacibliyinə diqqət çəkən ABŞ sözçüsü, qurumun fələstinlilərin humanitar yardım ehtiyaclarının ödənilməsində çox mühüm rol oynadığını bildirib.
İsrail parlamenti bazar ertəsi ABŞ və beynəlxalq ictimaiyyətin reaksiyalarına baxmayaraq, UNRWA-nın fəaliyyətinin dayandırılmasını əhatə edən iki qanun layihəsini təsdiqləyib.
Birləşmiş Millətlər Təşkilatının Təhlükəsizlik Şurasının (BMT TŞ) üzvləri dünən yazılı açıqlama verərək, UNRWA-nın "dağıdılması və ya azaldılması" cəhdlərinə qarşı olduqlarını və bu cəhdlərə qarşı xəbərdarlıq ediblər.
Milyonlarla fələstinliyə yardım edən UNRWA İsrailin hədəfindədir
İsrail rəhbərliyi 7 oktyabr 2023-cü il tarixində Qəzza zolağına hücumlarının başlaması ilə eyni vaxtda UNRWA-ya qarşı qarayaxma kampaniyasına başlamış və təkcə Qəzzada 12 min işçisi olan UNRWA-nın 14 əməkdaşının "7 oktyabr hücumlarında iştirak "etdiyini iddia edərək, agentliyin bağlanması lazım olduğunu müdafiə etmişdi.
Təl-Əviv administrasiyası işğal olunmuş İordan çayının qərb sahilində, Şərqi Qüdsdə, həmçinin Livan və İordaniyada fələstinli qaçqınları dəstəkləyir; Səhiyyə, təhsil və sosial xidmət sahələrində əksəriyyəti fələstinli olan 30 min işçisi olan agentliyin bağlanması və gözdən salınması kampaniyasını davam etdirir.
AA
