Yeni Dehli Dəmiryolunun İnkişafı Layihəsi çərçivəsində 370 illik məscid söküləcək

İQNA – Hindistanın paytaxtı Yeni Dehlidə üç əsrdən çox tarixi olan məscid hökumət tərəfindən sökülmək təhlükəsi ilə üzləşib.

"Əl-Cəzirə" telekanalının verdiyi məlumata görə, Hindistan hökuməti bu məscidin dəmiryol vağzalının inkişafı yolunda olduğunu iddia edir.
Hindistan hakimiyyəti Yeni Dehli qatar stansiyası marşrutu üzərində yerləşən təxminən 370 illik Qarip Nəvaz məscidini sökmək istəyir.
Hindistan mətbuatında yer alan xəbərlərə görə, hökumət Yeni Dehli dəmir yolu stansiyasının inkişafı layihəsi üzərində işləyir. Layihənin əhatə dairəsinə stansiya daxilində “lazımsız” hesab edilən strukturların sökülməsi də daxildir. Bu çərçivədə iki məscid və bir çox kiçik məbəd də söküləcək.
Hökumət bu layihənin məqsədinin qatar stansiyası ətrafında hərəkəti yaxşılaşdırmaq olacağını açıqladı.
Müsəlmanlar tarixi məscidin sökülməsini hökumətin son illərdə məscidləri və mühüm islami binaları müxtəlif bəhanələrlə dağıtmaq siyasətinin bir hissəsi kimi görür və onları “qanunsuz” adlandırırlar.
Qarip Nəvaz məscidinin natiqi Məhəmməd Əzəm izah edib ki, bu məscid təxminən 370 il əvvəl Şeyx Sufi Şah Dərviş tərəfindən öz şəxsi torpağında tikilib.
4246171