Suriyanın yeni baş naziri bəlli oldu

İQNA - Suriyada keçid dövrü üçün baş nazir vəzifəsinə Məhəmməd Əl-Bəşirin gətiriləcəyi irəli sürülüb.

İddiaya görə, Suriyada keçid prosesinə rəhbərlik edəcək hökumətin başına mühəndislik və hüquq sahələrindəki mütəxəssisliyi ilə tanınan Məhəmməd Əl-Bəşir gətiriləcək.

İdlibdə doğulmuş Əl-Beşirin rəhbərliyi ilə yaradılacaq yeni kabinet Suriyanın yenidən qurulması və sabitliyə qovuşması üçün mühüm məsuliyyətlər daşıyacaq.

1983-cü ildə İdlibdə doğulan Məhəmməd Əl-Bəşir 2007-ci ildə Hələb Universitetinin Elektrik Mühəndisliyi fakültəsini bitirib. 2011-ci ildə Suriya Qaz Şirkətində menecer olaraq işləməyə başlayıb.

Eyni zamanda İdlib Universitetində şəriət və hüquq sahələrində də bakalavr dərəcəsinə malik olan Bəşir dövlət idarəçiliyi sahəsində də təhsil alıb.