Əlcəzairin Quran təhsilindəki səyləri və nailiyyətləri
"Əl-Məsa" saytının verdiyi xəbərə görə, nazir Yusif Bulmehdi "Neame" əyalətindəki bir sıra dini mərkəzləri ziyarət edərkən hökumətin Quran təhsili müəssisələri, məktəblər və peşə məktəblərini dəstəkləmək və genişləndirmək səylərinə diqqət çəkib.
O, həmçinin ölkənin ali orqanlarının Qurani-Kərimin hazırlanması və yayılmasına dəstək verdiyini vurğulayıb.
Nazirliyin digər fəaliyyətlərinə universitet səviyyəsində Quran təhsilinin verilməsi, Quran tələbələrinin həvəsləndirilməsi, müxtəlif milli və beynəlxalq tədbirlər və müsabiqələr vasitəsilə Quran hifzi, qiraəti və təfsiri üzrə görkəmli və bacarıqlı qarilərin aşkar edilməsi daxildir.
Nazir yeni nəslin vətəni qorumaq, onun tarixi, dini nailiyyətləri və dəyərləri ilə fəxr etmə mövzusunda maarifləndirmə işində məscid imamlarının rolundan danışıb, bunu Əlcəzair xalqının öz milli-dini dəyərlərinə bağlılığının göstəricisi kimi dəyərləndirib.
Sonda nazir Bülmehdi məscidlərin mədəni, dini güclənmə və sosial həmrəylik baxımından mühüm rol oynamağa davam etdiyini bildirərək, təhsil sahəsində fəaliyyət göstərən xeyriyyə qurumlarının da bu istiqamətdə mühüm addımlar atdığını bildirib.
4257946
