Səudiyyə Ərəbistanının Ciddə şəhərində 500 İslam əsəri nümayiş etdirilir
"Zaviyə" saytının verdiyi məlumata görə, sərgidə bir çox beynəlxalq və Səudiyyə qurumları, o cümlədən Doha İslam İncəsənəti Muzeyi, Parisdəki Luvr Muzeyi, Londondakı Viktoriya və Albert Muzeyi, Timbuktudakı Əhməd Baba İnstitutu və İstanbuldakı Süleymaniyyə Kitabxanası iştirak edib.
Yeddi zaldan ibarət sərgidə 30 rəssamın əsərləri nümayiş etdirilir, yeddi stenddə isə Məkkə və Mədinəyə aid tarixi əsərlər və sənət əsərləri, astronomiyada istifadə edilən cihazlar, okean və çay xəritələri, İslam sivilizasiyası dövründəki elmi inkişaflar nümayiş etdirilir.
Stendlərdən birində bütün Kəbə örtüyü ilk dəfə Məkkədən kənarda nümayiş etdirilir və ziyarətçilər üz qabığındakı sənətkarlıq və tarix boyu toxunma və tikmə sənətinin təkamülü ilə tanış ola biləcəklər.
Bu sərginin məqsədi seminarlar və müzakirə sessiyaları vasitəsilə qlobal dialoqu təşviq etməkdir. Habelə dünyada şəxsiyyətlərin və hekayələrin formalaşmasında İslam incəsənətinin mədəni əhəmiyyətini və davamlı təsirini vurğulamaqdır. Yanvarın 25-də başlayan sərgi mayın 25-dək davam edəcək.
İslam İncəsənət Sərgisinin direktoru Fəridə Əl-Həsəni bildirib ki, bu sərgi dünyada nadir kolleksiyalar, əlyazmalar və nadir əsərlərlə müasir incəsənəti bir araya gətirən ilk belə tədbirdir.
4261760
