İraqda Müaviyə serialının yayımı qadağan edilib
"İQNA"-nın "Middle East News"-a istinadən verdiyi məlumata görə, İraq Media və Kommunikasiya Təşkilatı şənbə günü İraqın MBC kanalında Müaviyə serialının yayımını qadağan edəcəyini açıqlayıb.
Təşkilat elan etdi: "Bu qərar 2004-cü il tarixli 65 saylı İcra Sərəncamı ilə verilmiş hüquqi səlahiyyətə əsasən və media sektorunu tənzimləmək və media məzmununun İraqda qəbul edilmiş milli və peşəkar standartlara uyğunluğunu təmin etmək öhdəliyinə əsasən qəbul edilib".
Bəyanatda vurğulanıb ki, mübahisəli tarixi əsərlərin yayımlanması məzhəblərarası gərginliyə səbəb ola bilər ki, bu da xüsusilə Ramazan ayında ictimai sülhü təhlükə altına sala və ictimai birliyə təsir edə bilər.
Təşkilat bütün media qurumlarını peşəkar standartlara əməl etməyə, parçalanma və ya məzhəb təhrikinə səbəb ola biləcək məzmunu yayımlamaqdan çəkinməyə çağırıb.
Bununla bağlı MBC İraq kanalının rəhbərliyinə rəsmi məktub göndərildiyi, kanalın bu qərara əməl etməsi və serialın yayımdan qaldırılması istəyi də açıqlanıb.
Sonda Media və Kommunikasiya Təşkilatı hər hansı KİV-də bu qaydaları pozarsa, lazımi hüquqi tədbirlər görəcəyini vurğulayıb.
4269009
