Sao Paulo, Braziliyada müsəlman turistlər üçün yeni ünvan
“Travelandtourworld.com”-un verdiyi məlumata görə, San-Paulu ştatı Halal turizm bələdçiləri, Halal yeməklər və yaşayış yerləri təqdim etməklə və yerli əhalini bu mövzuda maarifləndirməklə müsəlman turistlərin cəlb etməyi artırmağa çalışır.
Sao Paulo Turizm və Səyahət Nazirliyi mədəni iştirakçılığı və anlayışı təşviq etməklə dövləti müsəlmanlar üçün əlverişli məkan kimi tanıtmaq üçün səylər göstərir.
Bir il yarım əvvəl bu Nazirlik Müsəlman Dərnəkləri Federasiyası (FAMBRAS) ilə əməkdaşlıq edərək Halal Turizm Bələdçisini işə saldı və bu, müsəlman turistlərin bölgəyə dəvət edilməsi istiqamətində işlərin başlanğıcı oldu. Bu təşəbbüs təkcə yerli İslam mədəniyyətini vurğulamaq deyil, həm də Braziliyadan və ya xaricdən gələn müsəlman turistlərin xoş qarşılandığını və hörmət edildiyini hiss etmələrini təmin etmək məqsədi daşıyır.
Halal Turizm Bələdçisi dövlətin müsəlman səyahətçiləri cəlb etməyi artırmaq üçün daha geniş strategiyanın bir hissəsi kimi hazırlanmışdır. Bələdçi, Sao Pauloda Braziliya məscidi və Jundiaí İslam Mərkəzi kimi mühüm İslam saytlarını təqdim edir və həmçinin bəzi gözəl parklar kimi turistik yerləri tövsiyə edir. Bu turistik yerlər öz mədəni və dini dəyərlərinə uyğun istirahət fəaliyyətləri axtaran müsəlman turistlər üçün müxtəlif seçimlər təklif edir.
Bu bələdçi bu turistik yerləri göstərməklə yanaşı, İslam inanclarına uyğunlaşdırılmış otel və restoranları da təqdim edir. Müsəlman turistləri qəbul edən otel otaqları namaz xalçaları, qiblə istiqaməti və Qurani-Kərim kimi ləvazimatlarla təchiz olunub.
Braziliya hökuməti də Fambras Halal Akademiyası ilə əməkdaşlıq edərək qonaqpərvərlik sektoru üçün xüsusi təlimlər verməklə bir addım da irəli getmişdir. Bu təlim bələdiyyə idarələri və turizm mütəxəssislərini əhatə etdi və müsəlman ziyarətçilərin özlərini evdəki kimi hiss etmələri üçün mindən çox insan təlim keçdi.
Təlim qonaqpərvərliyə, mədəni inteqrasiyaya və yarana biləcək hər hansı qərəz və stereotiplərin minimuma endirilməsinə yönəlib. Bu səylərə əlavə olaraq, Sao Paulo 60-dan çox sərgi və tədbirlə halal turizmi təşviq edərək, dövlətin müsəlman dostu təkliflərinə dair məlumatlılığı və marağı artırdı.
Bu təşəbbüslər vasitəsilə San Paulonun Turizm və Səyahət Nazirliyi dinindən və etnik mənsubiyyətindən asılı olmayaraq bütün turistlərin hörmət və qəbul olunacağı bir mühit yaratmağa ümid edir.
4273419
