BƏƏ, Mərakeşdə Brayl əlifbası ilə Quran nüsxələrini paylayıb

İQNA – Dubaydakı Vəqf İdarəsi Mərakeşdəki gözdən əlillər üçün institut və mərkəzlərə 646 nüsxə Qurani-Kərim paylayıb.

“Əl-Xəlic” internet saytının verdiyi xəbərə görə, bu Quran nüsxələri gözdən əlillərin baxımı sahəsində fəaliyyət göstərən qurum və təşkilatlara paylanılıb.

BƏƏ Əlillərə Təhsil Xidmətləri Şirkəti ilə əməkdaşlıq çərçivəsində Mərakeşin paytaxtı Rabat və Kasablankada Quran-Kərimlər paylanılıb.

Dubay Vəqf İdarəsi “Görmə Əlillər üçün Quran Çantası” kimi tanınan bu Quranın Malayziya şirkəti ilə əməkdaşlıqda hazırlandığını açıqlayıb.

Mərkəzdən bildirilib ki, bu Quran çantasında gözdən əlillərə ayələri seçib dinləməyə kömək edən Brayl indeksi və elektron səs qələmi var.

4281469