Əhməd Tayyib sosial media fəaliyyətinin təhlükələri barədə xəbərdarlıq edir
“Əl-Xəliç” saytının verdiyi məlumata görə, o, gənclərin şüurunu təhrif edən, onları öz ölkəsinin reallığından uzaqlaşdıran, fəzilətlə əxlaqsızlığı qarışdıran yanlış fikirləri mənimsəməyə vadar edən rəqəmsal platformaların təhlükələri barədə xəbərdarlıq edib.
O, Dubayda başlayan Ərəb Media Sammitinin ikinci günündə danışaraq İslam ümmətinin dəyərlərini qoruyan və mənəvi çətinlikləri həll edən vahid media strategiyasına çağırıb.
Əhməd Tayyib, ərəb gənclərinin azadlıq və müasirlik kimi möhtəşəm şüarlar adı altında təqdim olunan dezinformasiyadan qorunmasında medianın mühüm rolunu vurğulayıb.
Bildirib ki, bu cür məlumatların verilməsində məqsəd millətin mədəni və dini kimliyini silmək, ailə və sosial dəyərləri sarsıtmaqdır.
Əhməd Tayyib İslamofobiya fenomeninə diqqət çəkərək, bu fenomenin İslamın imicini ləkələmək və müsəlmanlara qarşı nifrət və təhriklər yaymaq üçün bir vasitədir. O, həmçinin “İslam sülh, tolerantlıq və ədalət dinidir” dedi.
Əl-Əzhərin rektoru bəzi Qərb KİV-lərinin İslam və müsəlmanlar haqqında yanlış təsəvvür yaratmağa davam etməsindən təəssüfləndiyini bildirib.
Əl-Əzhərin rektoru ailənin təbii quruluşunu dəyişdirməyə çağıran bəzi xaricdən gətirilən dəyərlərin təhlükəsi barədə xəbərdarlıq edərək, bu cərəyanların ərəb və islam kimliyinə birbaşa təhlükə olduğunu və mediadan şüurlu və məsuliyyətli reaksiya tələb etdiyini vurğulayıb.
O, həmçinin süni intellekt sahəsində texnoloji inkişafları izləməyin vacib olduğunu vurğuladı və bunu edərkən ciddi əxlaqi və humanitar çərçivələr daxilində qalmalı olduğunu bildirdi.
4285024
