Misirli Quran qarisi Qəzzaya dəstəyə görə mükafatlandırılıb

İQNA – Misirin vəqflər naziri, Buheyra Vəqflər İdarəsinin imamı və natiqi Hafiz Ənvər Paşanı Qəzzaya dəstək məqsədilə ona verilən Quran mükafatının bir hissəsini ayırdığı üçün mükafatlandırıb.

“Əl-Cümhur” saytının verdiyi məlumata görə, Misirin Vəqflər Naziri Üsamə Əl-Əzhari, yeni inzibati paytaxtdakı Vəqflər Nazirliyinin binasında təşkil edilən mərasimdə, Misir Beynəlxalq Quran Yarışmasının pul mükafatından 100 min Misir funt sterlinqinin Qəzza xalqına dəstək məqsədilə yaradılmış “Yaşasın Misir xalqı” fonduna bağışlanmasına görə Hafiz Ənvər Paşanı mükafatlandırıb.

Hafiz Ənvər Paşa 31-ci Misir Beynəlxalq Quran Yarışmasının altıncı kateqoriyasında ikinci olmaqla pul mükafatını qazandı.

Vəqflər naziri Quran hafizinin rəftarını yüksək qiymətləndirərək, “Camaat imamı sözündən əvvəl cəmiyyətə örnək olmalı, əməlləri ilə cəmiyyətə təsir etməlidir” dedi.

O, Misir Vəqflər Nazirliyinin bütün əməkdaşlarını sözdən daha çox danışan dürüstlük, səmimiyyət və fədakarlıq kimi dəyərləri vurğulayan bu cür əməli hərəkətləri nümunə göstərməyə çağırıb.

4285550