Malayziyalı siyasətçinin İmam Xomeyni (r.ə) ilə xatirəsi
İran Mədəniyyət Evinin Malayziyadan verdiyi xəbərə görə, Datu Əli İmam Xomeyninin (r.ə) sözlərindəki səmimiyyət, Allaha bağlılıq və qətiyyətin misilsiz olduğunu bildirib.
PERKASA Partiyasının sədri və siyasətçi Datu İbrahim Əli Kuala Lumpurda İran Mədəniyyət Mərkəzində olub və İranın Mədəniyyət Attaşesi Həbib Rza Ərzani ilə görüşüb.
Görüş malayziyalı siyasətçinin İran İslam Respublikasının banisi mərhum İmam Xomeyninin (r.ə) vəfatının 36-cı ildönümü ilə bağlı keçirilən mərasimlərdə iştirak etmək üçün İmam Xomeyninin (r.ə) Əsərlərinin Toplusu və Nəşri İnstitutunun dəvəti ilə İrana səfəri öncəsi baş tutub.
Görüş zamanı İbrahim Əli gənclik illərindən xatirə olaraq 1978-ci ildə etdiyi tarixi səfəri xatırladıb.
O, ABŞ-da bal ayı zamanı Ağ Evin qarşısında iranlıların Pəhləvi rejiminə qarşı təşkil etdiyi etiraz aksiyalarında iştirak etdikdən sonra Fransaya getdiyini və Neaufle-le-Şatoda İmam Xomeyni (r.ə) ilə görüşdüyünü bildirib.
Həmin səfərdə İmam Xomeyni (r.ə) ilə doqquz saat birlikdə olmaq şərəfinə nail olduğunu dilə gətirən İbrahim Dato ikindi namazını İmamla birlikdə qıldığını və birlikdə şam yeməyi yediklərini deyib.
O, həmçinin əlavə edib ki, məclisin əvvəlində İmamın əlini öpmək istəyib, lakin əlini çəkərək buna icazə verməyib.
Həbib Rza Ərzani də bu görüşdə İbrahim Əlinin İslamın əsaslarını yaymaq səylərinə diqqət çəkib.
Ərzani sözünə belə davam edib: “İmam Xomeyni (r.ə) ilə tarixi görüşünüz İran və Malayziya arasında dərin mədəni və tarixi əlaqələrin bariz simvoludur. Bu əlaqələr diplomatik və mədəni sahələrdə də davam edir”.
İbrahim Əli İslam və millətçi təmayüllü malayziyalı siyasi fəal Pertubuhan Pribumi Perkasa (PERKASA) şirkətinin qurucusu və İslam İnqilabından əvvəl İmam Xomeyni (r.ə) ilə yaxından görüşən ilk Malayziya vətəndaşı olub.
İmam Xomeyni (r.ə) ilə görüşündən təsirlənərək, 1979-cu ildə “İmam Xomeyni (r.ə) ilə müsahibə” adlı malayca kitabı nəşr etdi. Kitabda mərhum İmamın müxtəlif İslami və siyasi mövzularda söhbətləri və baxışları yer alırdı. Əsər 30 min nüsxə tirajla nəşr olunub və Malayziya müsəlmanları arasında geniş rezonans qazanıb.
İbrahim Əli “Sonsuz Mübarizə” (Perjuangan Tanpa Noktah) kitabında bu görüşü unudulmaz təcrübə kimi təsvir etmişdir.
O, İslam İnqilabının qələbəsindən sonra İran İslam Respublikası ilə əlaqələrini qoruyub saxlamış və bir çox rəsmi səfərlərdə İrana səfər etmişdir.
4285970
