Pep Qvardiola: “Qəzzada gördüklərimiz acı verir”
“Mançester Siti”nin baş məşqçisi Pep Qvardiola dünən İngiltərənin Mançester Universitetinin fəxri doktoru adının təqdim olunduğu mərasimdə çıxışında Qəzzadakı müharibəyə toxunub.
Qvardiola, "Qəzzada gördüklərimiz çox ağrılıdır. Bütün bədənimi incidir" deyən Qvardiola, "Məsələ ideologiyadan getmir. Söhbət kimin haqlı və ya haqsız olmasından getmir. Söhbət yalnız həyat eşqi və qonşunla bağlı qayğıdan gedir" deyib.
"Xəstəxanalarda dörd yaşlı uşaqların bombalandığını və ya öldürüldüyünü görəndə bunun bizim problemimiz olmadığını düşünməyimizin səbəbi, bəlkə də (o yerlərin) artıq xəstəxana olmadığını düşünməyimizdir" dedi.
O, çıxışını belə davam etdirdi: "Ancaq diqqətli olun. Növbəti dörd, beş yaşlı uşaqlar bizim uşaqlarımız olacaq. Bağışlayın, amma öz övladlarımı Mariya, Marius və Valentinanı görəndə Qəzzada uşaqların kabusu başlayandan bəri hər səhər dəhşətə gəlirəm".
Bəlkə orada baş verənlər indi bizə çox uzaq görünür və siz “biz nə edə bilərik?” deyə soruşa bilərsiniz. Ağlıma bir hekayə gəlir.
Meşədə yanğın baş verib. Heyvanların hamısı qorxmuş, çarəsiz, əl-qolu bağlı meşədən qaçır, amma balaca bir quş dənizə ora-bura gedir, dimdiyində su damcıları daşıyır. Bir ilan ondan gülərək soruşur: “Qardaş, niyə belə edirsən? Sən heç vaxt yanğını söndürə bilməzsən”.
"Quş cavab verir: "Mən sadəcə öz işimi görürəm." O balaca quş yanğını söndürə bilməyə bilər, amma heç nə etməməkdən imtina edir.
"Dünyanın bizə tez-tez "sən fərq yaratmaq üçün çox kiçiksən" dediyi bir yerdə, bu hekayə mənə bir insanın gücünü xatırladır. Söhbət ölçüdən deyil, seçimdən gedir. Əgər hər şeyi dəyişmək istəyirsinizsə, xüsusən də ən vacib anlarda dayanıb nəsə etməyi seçməlisiniz."
Son doqquz ildə şəhər komandasına altı Premyer Liqa tituluna rəhbərlik edən və Qvardiola Sala Fondu vasitəsilə xeyriyyə işləri aparan 54 yaşlı Qvardiolaya xidmətlərinə görə təşəkkür edilib.
4287638
