Omanın müftisi Pakistanın İrana dəstəyinə reaksiya verib
“İQNA”-nın “Əl-Ruveyh”-ə istinadən verdiyi məlumata görə, Oman Sultanlığının baş müftisi Şeyx Əhməd bin Həməd Əl-Xəlili rəsmi hesabında X platformasında yazı dərc edərək, Pakistan hökumətinə İranla qardaşlıq və cəsarətli həmrəyliyinə görə dərin minnətdarlığını bildirib.
Omanın baş müftisi hər iki ölkəyə səmimi təşəkkür və minnətdarlığını bildirib, dəstək və qələbə üçün Uca Allaha dua edib.
Pakistanın xarici işlər naziri Məhəmməd İshaqdar bəyanatında sionist rejimin təcavüzkar hücumlarından sonra Pakistan Senatında İrana dəstək verən qətnamənin yekdilliklə təsdiqləndiyini açıqlayıb. O, İranın özünü müdafiə hüququna dəstək ifadə etməklə yanaşı, sionist rejimi və onun beynəlxalq hüququn pozulmasını pisləyib.
İshaqdarın şəxsi səhifəsində dərc edilən bəyanatın mətnində deyilir: “Bu gün səhər saatlarında İsrail dost və qonşu ölkəmiz olan İran İslam Cümhuriyyətinə hücum edərək BMT Nizamnaməsini və beynəlxalq hüququ pozub və növbəti dəfə hərbi cinayət törədib”.
Bildirilib ki, İsrailin hücumu BMT-nin əsas prinsiplərinin və bütün beynəlxalq normaların açıq şəkildə pozulmasıdır və regionun və onun hüdudlarından kənarda sülh və təhlükəsizliyi ciddi şəkildə təhlükə altına qoyub. Son bir neçə ildə dünyada, xüsusən də işğal altında olan Fələstində çoxlu müsəlmanın ölümünə səbəb İsrail olub.
O əlavə edib: “Son iki ildə dünya və İslam ümməti uşaqların və mülki şəxslərin ağlasığmaz miqyasda qətlə yetirilməsinin şahidi olub. Dünya müsəlmanlarının bu soyqırım qarşısında hərəkətsizliyi xüsusilə narahat edir, çünki bu, indi İsrailin digər müsəlman ölkələrinə, o cümlədən İrana hücumuna səbəb olub”.
Bəyanatda bildirilib ki, ölkənin Senatı yekdilliklə sionist rejimi və onun islam xalqına, xüsusən də dost və qardaş ölkə Fələstin və İrana qarşı törətdiyi iyrənc cinayətləri pisləyir.
4288812
