Fransalı hicablı qadınların sözlü və fiziki zorakılıqlarla üzləşməsi
“Əl-Cəzirə”nin verdiyi xəbərə görə, “Mediapart” veb saytı bildirib ki, fransalı müsəlman və hicablı qadınlar haqqında siyasətçilər ən sərt və təhqiramiz fikirləri səsləndirdikdən sonra bu qadınlar yoldan keçənlər və bəzi iş adamları tərəfindən artan şifahi və fiziki zorakılıqlara məruz qalırlar və daha çox təzyiq və sıxıntı hiss edirlər.
2025-ci ilin ilk altı ayı ərzində Mediapart Fransada İslamofobiyaya dair təxminən 100 hadisə qeydə alıb. Daxili İşlər Nazirliyi isə vətəndaş şikayətlərinə əsasən son beş ayda 145 müsəlman əleyhinə hadisəni qeydiyyata alıb. Bu məlumatlar göstərir ki, hücumların əsas hədəfi hicablı qadınlardır.
Antirasist feminist təşkilatı LALAB, 2025-ci ilin mart ayında Avropada İslamofobiya ilə Mübarizə Qrupu tərəfindən toplanmış məlumatlara əsaslanaraq yayımladığı hesabatda təsdiqləyib ki, İslamofob aktların 81,5 faizi qadınlara qarşı törədilir.
Bu təşkilat uzun illərdir ki, həm gender ayrı-seçkiliyi, həm də İslamofobiyadan əziyyət çəkən müsəlman qadınların “ikili cəza”ya məruz qaldığını gündəmə gətirməyə çalışır. Hesabatda deyilir: “Müsəlman qadınlarla bağlı məsələlər sanki onlar qadın deyilmiş kimi təqdim olunur və bu düşüncə Fransanın kollektiv şüuruna dərindən işləyib.” Buna görə də, müsəlman qadınlar xilas olunmalı olan cinsiyyətçi inancların qurbanı hesab olunurlar.
Bu kontekstdə və son aylarda senatorlar və hökumət hicablı fransız qadınların idman yarışlarında iştirakını qadağan etmək barədə razılığa gəliblər və hicabla dini ekstremizm arasında heç bir əlaqə olmadığını göstərən ciddi elmi araşdırmaları bilərəkdən görməzdən gəlirlər.
4293124
