Ukraynanın ictimai kitabxanasına Quran tərcüməsinin hədiyyə edilməsi
“İQNA”-nın “muslimsaroundtheworld” saytına istinadən verdiyi xəbərə görə, Odessadakı “əl-Məsar” İslam Mədəniyyət Mərkəzinin nümayəndə heyəti mədəni və dini dialoqun təşviqi istiqamətində Ukraynanın “Mixailo Qruşevski” regional ictimai kitabxanasını ziyarət edib və bu görüşdə gələcəkdə ikitərəfli əməkdaşlıq imkanları müzakirə olunub.
Mərkəzin nümayəndə heyəti bu görüşdə yeni nəşrlərdən ibarət bir toplunu, o cümlədən Quranın ukrayna dilinə tərcüməsini və “İslam Mədəniyyəti Atlası” adlı yeni elmi-mədəni kitabı “Mixailo Qruşevski” kitabxanasına təqdim edib.
Mərkəz rəhbərləri bildiriblər ki, bu addım İslam haqqında düzgün biliklərin dəstəklənməsi və Ukrayna cəmiyyətində mədəniyyətlər və dinlərarası əlaqələr üçün yeni üfüqlərin açılması çərçivəsində atılıb.
Onlar həmçinin ümid etdiklərini ifadə ediblər ki, “Mixailo Qruşevski” kitabxanasına hədiyyə edilən bu nəşrlər və əsərlər qarşılıqlı anlayışın dərinləşməsinə və səmərəli dialoqun dairəsinin genişlənməsinə töhfə verəcək.
Görüşdə elmi əməkdaşlığın gücləndirilməsi vurğulanıb və gələcəkdə kitabxananın yeni kitablarla, xüsusilə də “Ukrayna dilində Nəbəvi Sire” kitabı ilə təmin olunması məsələsi müzakirə edilib.
4307268
