Malayziyada Quran mərkəzlərini dəstəkləmək üçün büdcə ayrıldı
“Bernama” agentliyinin məlumatına görə, Malayziya hökuməti 34,81 milyon rinqqit (Malayziya pul vahidi) məbləğində vəsait ayırıb ki, bu da ölkə üzrə ənənəvi İslam məktəbləri və Quran hafizliyi mərkəzlərinin əsas hissələrində — tavan, sanitar qovşaqları və sinif otaqlarında təcili təmir işlərinin görülməsi üçün istifadə ediləcək.
Malayziya baş naziri Anvar İbrahim bu barədə deyib: “Bu vəsait məktəblərin əsas hissələrində təcili təmir işlərinə sərf olunacaq ki, şagirdlər üçün daha rahat şərait yaradılsın.”
O, şənbə günü Perak əyalətinin paytaxtı İpoh şəhərində yerləşən “Darür-Rızvan” Quran hafizliyi mərkəzində keçirilən nahar mərasimində İslam təhsil mərkəzlərinin (Quran və şəriət elmləri) məsullarına müraciət edərək bildirib ki, “2026-cı il büdcəsinin təqdimatından sonra əsas diqqətimiz büdcə ayırmalarını artırmaq yolları üzərində olacaq ki, hər bir məktəb lazımi şəraitlə təmin olunsun.”
Anvar vurğulayıb ki, bu prioritetin müəyyən edilməsinin səbəbi hökumətin insan resurslarının inkişafı, maddi tərəqqi ilə yanaşı mənəvi yüksəliş və təhsili dəstəkləyən baxışını həyata keçirmək məqsədidir.
O, əlavə edib: “Bu təşəbbüs hökumətin İslam məktəblərinə maliyyə dəstəyi siyasətinin bir hissəsidir. Bu dəstək 2003-cü ildən etibarən dayandırılmışdı, lakin biz 2022-ci ildən yenidən bu məktəblərə maliyyə yardımlarını bərpa etdik.”
Malayziya baş naziri ölkə üzrə ənənəvi İslam məktəbləri və Quran hafizliyi mərkəzlərinin məsullarına çağırış edərək bildirib ki, “dünya ilə ayaqlaşmaq üçün rəqəmsal texnologiyalardan və süni intellektdən istifadə etsinlər və qlobal dəyişikliklərdən geri qalmasınlar.”
O, çıxışının sonunda qeyd edib: “Bu yeni texnologiyalara yiyələnmək çox vacibdir ki, bu dini müəssisələr iman, əxlaq və İslam düşüncəsinin qalaları olaraq qalsınlar və yeni növ rəqəmsal hegemonluq formaları tərəfindən kənara itələnməsinlər.”
4310300
