Misirdə Quran hafizi olan şagirdlərin dəstəklənməsi layihəsinin icrası
“Sədyul-Bələd” xəbər agentliyinin məlumatına görə, bu layihədən 13 min misirli oğlan və qız şagird faydalanıb — onların 5 mini Əsyut, 5 mini Marsa Matruh, və 3 mini Qalyubiyyə vilayətindəndir.
Bu təşəbbüs çərçivəsində Quran nüsxələri, dəftərxana ləvazimatları və geyimlər hafizlər arasında paylanılıb. Layihənin məqsədləri arasında Quranı əzbərləmək və oxumaq yolunda səbatı təşviq etmək, həmçinin dini və əxlaqi dəyərlərin qorunması üçün çalışan şagirdlərə təşəkkür etmək yer alıb.
Zəkat və Sədəqə Evi bildirib ki, Quran hafizlərinin dəstəklənməsi layihəsi bu mərkəzin müxtəlif vilayətlərdə Quran hafizlərinə pul və qeyri-pul yardımı göstərmək, eləcə də onların təhsil və dini inkişafını dəstəkləmək istiqamətində həyata keçirdiyi davamlı və məqsədyönlü proqramların bir hissəsidir.
Mərkəz, Əl-Əzhər şeyxinin göstərişlərinə əməl edərək, Misirin bütün vilayətlərində təhsil, səhiyyə və infrastruktur layihələrinin icrasını da davam etdirir.
Qeyd edək ki, Misirin Zəkat və Sədəqə Evi bu ölkədə aktiv xeyriyyə mərkəzlərindən biridir və indiyədək ehtiyacı olan xəstələrə yardım, zəkat paylarının kasıblara və ehtiyaclılara çatdırılması kimi layihələr həyata keçirib.
Bu mərkəz həmçinin Fələstin xalqının dəstəklənməsi üçün yardımlar ayırıb və insani və ədalətli məqsədləri müdafiə etmək məqsədilə Qəzza zolağındakı ailələrə və vətəndaşlara yardım karvanları göndərib.
4311316
