ABŞ katolik yepiskoplarının Trampın anti-miqrasiya siyasətinə etirazı
“İQNA”-nın xəbərinə görə, “Reuters” yazır: Yepiskoplar son 12 ildə bu qəbildən olan ilk xüsusi mesajlarında bildiriblər: “Biz ibadətgahların toxunulmazlığına, xəstəxanalar və məktəblərin xüsusi mahiyyətinə yönəlmiş təhdidlərdən narahatıq.” Bu mesaj, Papa Leo tərəfindən səsləndirilmiş və Trampın prezidentliyi dövründə ABŞ-da miqrantlara necə davranıldığı barədə “dərin düşünmə” çağırışı edən oxşar tənqidlərin əks-sədasıdır.
Tramp administrasiyası bu ilin əvvəlində hakimiyyətə gəldikdən sonra aqressiv miqrasiya siyasəti yürüdüb. Tramp kilsələr, xəstəxanalar və məktəblər kimi həssas məkanların yaxınlığında miqrantların saxlanılmasına qoyulan məhdudiyyətləri ləğv edib və belə həbsləri artırmaq üçün federal əməkdaşları ABŞ-ın hər yerində yerləşdirib.
Yepiskoplar mesajlarında “sənədləşdirmə” və miqrasiya qanunlarının icrası ilə bağlı “qorxu və narahatlıq mühiti” adlandırdıqları vəziyyətdən nigaran olduqlarını bildirib, miqrantlara qarşı təhqiredici yanaşmadan narahat olduqlarını və insanların kütləvi və məqsədsiz deportasiyasına qarşı olduqlarını vurğulayıblar.
Onlar həmçinin saxlanma mərkəzlərindəki şərait və bəzi miqrantların hüquqi statusunun özbaşına ləğv edilməsi ilə bağlı narahatlıqlarını ifadə ediblər.
4316765
