Əl-Kövsər kanalında Əllamə Təbatəbainin (r.ə) həyatından danışan gizli qalmış həqiqətlər barədə sənədli film
“İQNA”-nın məlumatına görə, dəyərli “Mehri Xuban” sənədli filminin istehsalı son mərhələyə çatıb. Hər biri 35 dəqiqəlik üç hissədən ibarət olan bu layihə əllamə Seyid Məhəmmədhüseyn Təbatəbainin (r.ə) həyatı, elmi və irfani şəxsiyyəti, habelə az danışılan və nadir hallarda təqdim edilən məlumatları əhatə edir.
Filmin ərəb dilində olan versiyası “Mənhəc əl-Əxyar” adı ilə yayına hazırdır və yaxın vaxtlarda Əl-Kövsər kanalında nümayiş olunacaq.
Əlbəttə, Əl-Kövsər beynəlxalq kanalı layihənin farsdilli versiyasını da daxili televiziya şəbəkələrində yayımlanmaq üçün hazırlayıb. Gözlənilir ki, ərəb versiyası ilə eyni vaxtda fars versiyası da yayımlansın.
“Mehri Xuban” təcrübəli və araşdırma yönümlü bir komandanın əməyinin nəticəsidir. Komanda Allamənin həyatının mühüm məkanlarına səfər edib, onun yaxınları və tələbələri ilə söhbətlər apararaq, ilk dəfə olaraq az tanınan sənədlər və indiyədək danışılmamış rəvayətləri tamaşaçıya təqdim etməyə çalışıb.
Bu əsərin ssenari müəllifi və rejissoru təcrübəli sənədli film qurumçusu Həmid Kuhpayi, layihənin prodüseri isə Əmirhüseyn Kuhpayidir.
Filmin operatoru Şəhriyar Ərjəməndi, istehsal müdiri isə layihənin icra işlərini yönləndirən Abbas Əkbəridir. Süni intellekt üzrə ixtisaslaşmış hissələr Əli Orani tərəfindən, filmin montajı isə Məhəmmədhəsən Gudərzi tərəfindən icra olunur.
Səs rejissoru Əmin Səidi, səhnə və vizual elementlərin dizaynı isə Muna Çavuşiyə həvalə edilmişdir.
Əl-Kövsər beynəlxalq kanalının mətbuat xidməti bildirib ki, sənədli film hazırda istehsalın son mərhələsindədir və yaxın zamanda yayımlanma tarixi elan olunacaq. Gözlənilir ki, “Mehri Xuban” Əllamə Təbatəbai (r.ə) haqqında ən hərtərəfli ekran əsərlərindən biri kimi İslam maarifinə maraq göstərənlər və müasir düşüncə sahəsində çalışan tədqiqatçılar arasında xüsusi yer tutacaq.
4318643
