BƏƏ-nin Fransada müsəlmanlarla bağlı qalmaqallı sorğuya maliyyə dəstəyi
“İQNA”-nın “Nəbəə”-yə istinadla verdiyi xəbərə görə, BƏƏ-nin nüfuz şəbəkələrini ön plana çıxaran yeni bir inkişafda, 25 noyabrda DarkBooks saytı tərəfindən yayımlanan Fransanın sızdırılmış kəşfiyyat sənədləri göstərib ki, Birləşmiş Ərəb Əmirlikləri Fransada müsəlmanlar haqqında qərəzli təsvir təqdim edən mübahisəli bir sorğunu maliyyələşdirib.
Bu sorğu, müsəlman icmalarına qarşı düşmən münasibət formalaşdırmaqda rol oynadığı və arxasındakı motivasiyalarla bağlı geniş tənqidlərə səbəb olub.
Açıqlamalara görə, Fransız İfop institutunun BƏƏ-nin nüfuz şəbəkələri ilə bağlantılı bir media qurumunun sifarişi ilə həyata keçirdiyi bu sorğu, müsəlmanlar arasında dindarlıq göstəriciləri və islamofobiya mövzularına fokuslanıb.
Sorğu, müsəlmanları “daxili düşmən” kimi – dövlət və cəmiyyət üçün təhlükə yaradan qrup kimi – təqdim edən qərəzli bir mənzərə ortaya qoyub. Bu isə Əbu-Dabinin regionda və onun hüdudlarından kənarda yaydığı, ərəb və müsəlman toplumlarının imicini zəiflətməyə, siyasətinə uyğun olmayan hər siyasi və ya ictimai qüvvəni zəiflətməyə yönəlmiş narrativlə eyni istiqamətdədir.
Sorğuda diqqət, qorxu və parçalanma yaradan diskursun üzərində qurulmuşdu və BƏƏ-nin təhlükəsizlik yönümlü ritorikasından gətirilmiş terminlərlə zəngin bir dil istifadə olunmuşdu; bu ritorika dindarlığı hər cür “ifratçılıq” meyli ilə əlaqələndirməyə çalışması ilə tanınır. Bu isə ultra-sağçı media (Le Figaro, Le Point, CNews kimi) və hətta bəzi dövlət radiosu şəbəkələri üçün bir fürsət olub və hamısı bu sorğunu “İslam təhlükəsi”nin qəti sübutu kimi təbliğ edib.
BƏƏ-nin bu sorğunu maliyyələşdirməsindəki rolunu göstərən yeni sənədlərin yayılması belə bir sual yaradır:
Əbu-Dabinin İslamın xaricdəki imicini təhrif etmək cəhdlərinin əsl mahiyyəti nədir?
Həmçinin bunun Fransada müsəlmanların azadlıqları və vətəndaşlıq statusunun gələcəyinə təsiri necə olacaq?
4319397
