BMT-nin fələstinli gəncin şəhadətinə reaksiyası
“İQNA”-nın “Hala Axbar” portalına istinadən verdiyi məlumata görə, BMT baş katibi Antonio Quterreş cümə günü Nasrullah Əbu Siyamın Əl-Mixmas kəndində radikal sionist məskunlaşanlar tərəfindən qətlə yetirilməsini pisləyib və hadisə ilə bağlı tez, tam və şəffaf araşdırma aparılmasını tələb edib.
Nasrullah — 19 yaşlı fələstinli–amerikalı vətəndaş — ötən çərşənbə günü yəhudi məskunlaşanların hücumu zamanı güllə və döyülmə nəticəsində ağır yaralanmış və aldığı xəsarətlərdən dünyasını dəyişmişdi.
Həmin hücumda məskunlaşanlar daha üç fələstinlini də güllə ilə yaralamışdılar.
Quterreş hadisənin bütün tərəfləri ilə bağlı dərhal araşdırma aparılmasını və məsul şəxslərin cavabdehliyə cəlb olunmasını tələb edib.
O, həmçinin Təl-Əvivdən fələstinli mülki əhaliyə qarşı məskunlaşanların zorakı hərəkətlərinin qarşısını almaq üçün konkret addımlar atmağı istəyib.
4335962
