Qurani-Kərimdə döyüşlərin göydən və yerdən təqdim olunan xəbəri

İQNA – Qurani-Kərim, yer üzündəki statistika və təhlillərlə yanaşı, döyüşləri anlamaq üçün başqa bir baxış bucağı da təqdim edir. İlahi sünnələrə bağlı olan bu “göy xəbəri” hadisələri dərk etməyin və müqavimət cəbhəsinin sirrini anlamağın açarıdır.

Bu silsilə qeydlərdə məqsədimiz son hadisələri, xüsusilə də ABŞ və sionistlərin ölkəmizə qarşı vəhşicəsinə hücumunu Qurani-Kərimin ayələri fonunda təhlil etməkdir.

Hər bir hadisəni iki baxış bucağından nəql etmək mümkündür: yer xəbəri və göy xəbəri. Məsələn, bir döyüşün təhlilində yer xəbəri mövcuddur və bunun bir hissəsi statistikaya çevrilir: neçə raket atılıb, düşmənin neçə ölən və yaralısı olub və s.

Bu yer rəvayəti öz məntiqinə malikdir. Qurani-Kərim də buyurur: 

«وَ أَعِدُّوا لَهُمْ مَا اسْتَطَعْتُمْ مِنْ قُوَّةٍ وَ مِنْ رِباطِ الْخَیْلِ» (Ənfal: 60) 

Yəni döyüş meydanına daxil olmaq strategiya, məntiq və lazımi təchizatla olmalıdır; düşünmədən, hazırlıqsız şəkildə hərəkət etmək olmaz.

Amma bu, məsələnin yalnız bir tərəfidir. Bununla yanaşı göy xəbəri də mövcuddur. Quranda bunun çoxlu nümunələri var. Bizim üçün canlı misal Aşura qiyamı və İmam Hüseynin (ə) yoludur. Yer rəvayətinə görə o Həzrət və səhabələri şəhid edildi, Əhli-beyt əsir alındı. Amma göy xəbərinə görə Seyyidüş-şühədanın məktəbi İslam ümmətinin nicat və hidayət gəmisi oldu.

İranın son hadisələrində də bütün çətinliklərə, gərginliklərə və bu torpaq uğrunda canını verən şəhidlərə baxmayaraq, göy xəbərlərinə diqqət etmək lazımdır. Hər iki xəbər – həm yer, həm də göy – İslam cəbhəsinin qələbə və nusrətini müjdələyir. Lakin möminləri daha çox ümidləndirən və daha qəti olan, ilahi sünnələrin və döyüşlərin göy xəbərinin öyrənilməsidir.