Şimali Koreya İranın yeni rəhbərinin seçilməsini təbrik etdi

İQNA – Şimali Koreya xəbər agentliyi bildirib ki, Pxenyan Ayətullah Seyid Müctəba Xameneinin İranın rəhbəri seçilməsini dəstəkləyir və ABŞ ilə sionist rejimin təcavüzünü pisləyir.

“İQNA”-nın məlumatına görə, Şimali Koreyanın dövlət xəbər agentliyi açıqlayıb ki, bu ölkə bazar ertəsi günü təyin olunan İranın yeni rəhbərini dəstəkləyir.

Məlumata əsasən, Şimali Koreya Xarici İşlər Nazirliyi həmçinin ABŞ–sionist təcavüzünü və İran əleyhinə həyata keçirilən “qanunsuz” hücumları sərt şəkildə pisləyib; bu hücumların sülhü pozduğunu və bütün dünyada qeyri‑sabitliyi artırdığını bildirib.

Şimali Koreyanın dövlət agentliyi həmçinin xəbər verib ki, ölkə çərşənbə günü donanma esminesi üçün nəzərdə tutulmuş strateji qanadlı raketi sınaqdan keçirib.

Şimali Koreya həmin gün “Çoe Hyun” esminesindən başqa bir strateji qanadlı raket sınağı da həyata keçirib.

Şimali Koreya lideri Kim Çen In bildirib ki, esmineslər hipersəs silahları ilə təchiz edilməlidir.

4339934