Fidanın İslam ölkələrinə sionist rejimin oyununa gəlməmək barədə xəbərdarlığı
“İQNA”-nın “TRT”-yə istinadən verdiyi məlumata görə, Türkiyənin xarici işlər naziri Hakan Fidan ABŞ və sionist rejimin İrana qarşı təcavüzünə işarə edərək bildirib: “Dünya İsrailin dizayn etdiyi bir müharibənin bədəlini ödəyir.”
O, İran torpaqlarına hücumu sionist rejimin baş naziri Benyamin Netanyahuya aid siyasi məqsədlərin davamı kimi qiymətləndirib.
Türkiyənin xarici işlər naziri İran əleyhinə müharibəni qeyri‑qanuni adlandıraraq əlavə edib: “Bu hadisələr göstərir ki, dünya əsas məsələlərdə İsrailə təzyiq göstərməyi bacarmayıb.”
Fidan deyib: “Təəssüf ki, region addım‑addım İsrail tərəfindən hazırlanmış oyuna daxil olur.”
O, sionist rejimin İslam ölkələri arasında parçalanma yaratmağa çalışdığını bildirərək, bu rejimin İrana qarşı kürd separatçı qruplardan sui‑istifadə etməsi barədə də xəbərdarlıq edib.
2026‑cı ilin 28 fevralına (1404-cü ilin 9 əsfəndinə) təsadüf edən hücumda ABŞ və sionist rejim İran torpaqlarına təcavüz edərək Ayətullah Seyid Əli Xamenei – İran İslam İnqilabının ali rəhbərini, bir sıra yüksək rütbəli hərbi rəsmiləri və vətəndaşları şəhid ediblər. ABŞ-ın Minab məktəbini bombalaması nəticəsində 170‑dən çox şagird də şəhid olub.
İran qanuni özünümüdafiə hüququ çərçivəsində işğal olunmuş əraziləri və regiondakı ABŞ bazalarını hədəfə alıb, həmçinin Təl‑Əviv və Vaşinqtona bağlı gəmilərin Hörmüz boğazından keçməsinin qarşısını alıb.
İraq və Livan müqavimət qrupları İranı dəstəkləmək üçün sionist və ABŞ təcavüzünə qarşı əməliyyatlara başlayıblar. Bundan əvvəl Yəmən müqaviməti də münasib vaxtda əməliyyata qoşulacağını bəyan etmişdi.
Qərbi Asiyada müharibənin genişlənməsi və Hörmüz boğazından neft tankerlərinin keçidinin məhdudlaşdırılması dünya enerji böhranını daha da dərinləşdirib.
4343150
