Hizbullah: İnqilab Rəhbəri, Şeyx Nəim Qasimə mesaj göndərdi
“İQNA”-nın “əl‑Mənar”a istinadən verdiyi xəbərə görə, Livan İslam Müqaviməti bildirib ki, Ayətullah Seyid Müctəba Hüseyni Xamenei Hizbullahın baş katibi Şeyx Nəim Qasimə bir mesaj göndərərək böyük İslam İnqilabının rəhbərinin şəhadəti münasibətilə bildirdiyi başsağlığı və həmrəyliyə görə ona təşəkkür edib və Hizbullah mücahidlərinin öz adından ifadə etdiyi sevgi və sədaqət hisslərinə işarə edib.
İmam Xamenei mesajında vurğulayıb ki, “İslam ümmətinin ən sərt düşmənləri – Amerika Birləşmiş Ştatları və sionist rejim qarşısında dayanmaq və möhkəm durmaq, şəhid imamın ən bariz xüsusiyyətlərindəndir.” O, həmçinin bu komandanın rəhbərliyi dövründə müqavimət yolunun davam etməsinə toxunub və Hacı Qasim Süleymani kimi, eləcə də Sepah və ordunun digər yüksək rütbəli komandirləri kimi əziz şəhidlərin bu yolun doğruluğuna şahid olduğunu qeyd edib.
O vurğulayıb ki, “İslam Müqavimətinin tarixi mübarizə, cəsarət və fədakarlıqla doludur; burada müqavimət liderləri ümməti müdafiə etmək uğrunda heç bir təhdiddən qorxmadan canlarını fəda ediblər. Şəhid Şeyx Rağib Hərb və Seyid Abbas Musəvidən tutmuş Seyid Həsən Nəsrullah və Seyid Haşim Səfidəddinə qədər Hizbullah rəhbərləri bu sabitqədəm yolun həqiqi nümunələridir.”
İmam Xamenei Hizbullahın baş katibinə müraciətlə yazıb ki, “Sizin fəzilətiniz bu həssas tarixi məqamda hərəkatın rəhbərliyini öz üzərinə götürüb və mən onun sionist düşmənin planlarını puça çıxarmaq, onları məhv etmək, Livan xalqına izzət və səadəti qaytarmaq üçün göstərdiyi zəkaya, uzaqgörənliyə və cəsarətə etimad edirəm.”
O, mesajını belə tamamlayıb ki, “İran İslam Respublikasının siyasəti – mərhum imamın və şəhid komandanın yoluna əsaslanaraq – sionist və amerikalı düşmən qarşısında müqaviməti dəstəkləməyə davam edəcək.” Ali Rəhbər bütün mücahid qardaşlara uğur arzulayıb.
4343771
