Bolqarıstanda İslam təhsili – gələcək nəsillərin yetişməsi üçün çiçəklənən bir zəmin
İQNA‑nın “Muslimsaroundtheworld”‑a istinadən verdiyi xəbərə görə, Bolqarıstanda İslam təhsil sistemi məscidlərin mədrəsələrindən və Qurani‑Kərim tədris halqalarından başlayır və daha sonra İslam məktəblərində dini dərslərlə yanaşı ümumi fənlərin də tədrisi ilə davam edir.
Beləliklə, həm dini kimliyini qoruyan, həm də müasir biliklərlə təchiz olunan bir gənc müsəlman nəsli yetişir.
Məsələn, Veliko Tırnovo bölgəsində baş verənlər bu ölkədə İslam təhsilinin aydın istiqamətinin bariz nümunəsidir. Bu bölgədə müsəlman uşaqlar hər il keçirilən Qurani‑Kərim öyrənmə kurslarında iştirak edirlər ki, bu da tədrisi məscid halqalarından çıxarıb daha sistemli və institusional proqramlara çevirir.
Bu tədris proqramı uşaqları və onların valideynlərini həm dini elmləri, həm də məktəblərdəki adi dərsləri birləşdirən tədris üsulu ilə tanış edir.
Həmçinin yay aylarında Qurani‑Kərimin hifzi üçün xüsusi proqramlar təşkil olunur. Bu tədris modeli Qurani‑Kərim elmlərinin öyrədilməsini qısa müddətli mədrəsə dərslərindən çıxarıb uzunmüddətli və müntəzəm məktəb təhsilinə çevirmişdir.
Məscidlərlə İslam məktəbləri arasındakı əlaqə gənc müsəlman nəslinin yetişdirilməsində ümidverici bir mənzərə yaradır; elə bir nəsil ki, həm dini sahədə, həm də digər ictimai sahələrdə cəmiyyətə xidmət etməyə qadirdir.
Bu təcrübə bütün ölkədə tətbiq oluna biləcək uğurlu bir modeldir və göstərir ki, Bolqarıstanda İslam təhsilinin gələcəyi məsciddən başlayıb məktəb təhsilinin sonuna qədər davam edə bilər və ölkənin müsəlman azlığını dinamik və faydalı bir cəmiyyətə çevirə bilər.
4343737
