Regiondakı Amerika bazaları üçün narahat gecə
“İQNA”-nın məlumatına görə, Küveyt ordusu sübh çağı, çərşənbə günü ölkəyə raket və PUA hücumu edildiyini bildirib və müdafiə sistemlərinin mərmilərin qarşısını aldığını iddia edib.
Yayımlanan videolara əsasən, Küveytin bəzi bölgələrində xəbərdarlıq sirenləri səslənib və Amerika bazalarında yerləşdirilmiş hava hücumundan müdafiə sistemləri aktivləşdirilib.
Həmçinin Küveytin cənubundakı "Əs-Sərə" şəhərində və Amerika əsgərlərinin yerləşdiyi "Əli əs-Salim" hərbi hava bazasında partlayışlar baş verib. Küveytin cənubundakı "Üreyfcan" bazasının da hədəf alındığı deyilir.
Bazar ertəsi günü sübh çağı da Küveyt ordusu raket və PUA hücumu barədə məlumat vermişdi.
Küveytdəki Amerika bazalarına raket və PUA hücumları ilə eyni vaxtda qeyri-rəsmi ərəb mənbələri Bəhreyndəki Amerika bazalarına doğru mərmilərin atıldığını bildiriblər.
Bu mənbələrə görə, xəbərdarlıq sirenləri səslənib, Amerika bazalarında yerləşdirilmiş hava hücumundan müdafiə sistemləri aktivləşdirilib. Həmçinin Amerikanın 5-ci Donanmasının Bəhreyndəki bazasında və "Əl-Cüfeyr" bazasında güclü partlayış səsləri eşidildiyi bildirilir.
Amerika Birləşmiş Ştatlarının 5-ci Donanmasının Qərargahı Sepahın Hava-Kosmos Qüvvələrinin raket və PUA hücumuna məruz qalıb.
Sepahın raket hücumuna məruz qalan Amerika Birləşmiş Ştatlarının 5-ci Donanmasının Qərargahı
Eyni zamanda, İslam İnqilabı Keşikçiləri Korpusunun (Sepah) İctimaiyyətlə Əlaqələr İdarəsi bildirib: "Dünən gecə saatlarında təcavüzkar Amerika ordusu Hürmüz boğazı yaxınlığında İran neft tankerini hava mərmisi ilə vurdu və bu tankerin maşınxanası ziyan gördü.
Bu təcavüzə və Hürmüz boğazı qaydalarının pozulmasına cavab olaraq, Panaya adlı Amerikanın Sionist düşməninə məxsus gəmi Sepahın Dəniz Qüvvələrinin raketləri ilə hədəf alındı."
4355920
