Abdülfəttah Şəşainin xatirəsinə Misir Beynəlxalq Quran Müsabiqəsinin keçirilməsi
“İQNA”-nın "Sədyul-Bələd"-ə istinadən verdiyi xəbərə görə, Misir Vəqf Nazirliyi 2026-cı ildə keçiriləcək 33-cü beynəlxalq Quran müsabiqəsinin İslam aləminin tanınmış qarisi Şeyx Əbdülfəttah Şəşainin adına həsr olunacağını elan edib. Eyni zamanda, nazirlik müsabiqənin ilkin mərhələsinin yazılı imtahanlarının keçiriləcəyi vaxtı da açıqlayıb.
Nazirliyin açıqlamasına əsasən, 2026-cı il üçün Quranın əzbərlənməsi və mənalarının dərk edilməsi üzrə dünya müsabiqəsinin mərkəzləşdirilmiş yazılı imtahanları 8 iyun (bazar ertəsi) tarixindən 18 iyuna (cümə axşamı) qədər Qahirənin Əbbasiyyə bölgəsindəki Nur məscidində keçiriləcək.
Misir Vəqf Nazirliyi həmçinin yazılı imtahan mərhələsində iştirak şərtlərini yerinə yetirən namizədlərin siyahısını da dərc edib. Müsabiqənin bu mərhələsi elan edilmiş qayda və şərtlərə uyğun olaraq qeydiyyatdan keçmiş və ilkin qəbul almış iştirakçılar üçün nəzərdə tutulub.
Vəqf Nazirliyinin bəyanatında bu müsabiqələrin keçirilməsinin Quran həfizlərinə dəstək, Quran mədəniyyətinin təbliği və Quran dahilərini əzbərləməyə, ilahi ayələrin mənalarını dərk edib təfəkkür etməyə təşviq etmək məqsədi daşıdığı vurğulanıb.
Nazirlik bütün vilayət idarə və nümayəndəliklərindən uyğun namizədləri imtahanların vaxtı və keçiriləcəyi yer barədə məlumatlandırmağı xahiş edib. Buna əsasən, iştirakçılar mərkəzləşdirilmiş yazılı imtahanlarda iştirak etmək üçün saat 10-da Nur məscidində hazır olmalıdırlar.
Qeyd edək ki, Misirin müxtəlif dövrlərdə keçirilən beynəlxalq Quran əzbərləmə və qiraət müsabiqələri indiyədək böyük misirli qarilərin xatirəsi anılmaqla keçirilib. Bu tədbirin 26-cı dövrü "Şeyx Mahmud Xəlil əl-Hüsəri"nin, 27-ci dövrü ustad "Əbdülbasit Əbdüssəməd"in, 32-ci beynəlxalq Quran müsabiqəsi isə Misir və İslam aləminin vəfat etmiş tanınmış qarisi ustad Şəhhat Məhəmməd Ənvərin xatirəsi anılmaqla keçirilib.
4356312
