Livanın cənubunda 12 sionist hərbçinin öldürülməsi və yaralanması
“İQNA”-nın "Əl-Məyadin"ə istinadən verdiyi məlumata görə, sionist rejimin mediası xəbər verib ki, Hizbullahın həyata keçirdiyi və "təhlükəsizlik insidentləri" kimi qələmə verilən hücumlar nəticəsində son saatlarda Livanın cənubunda bu rejimin bir hərbçisi öldürülüb, 11 nəfəri isə yaralanıb. Yaralılardan bəzilərinin vəziyyəti ağırdır.
Bu media orqanlarının hesabatlarına əsasən, ötən gecə baş verən ilk hadisədə Hizbullahın bir partlayıcı pilotsuz uçuş aparatı (PUA) İsrail qüvvələrini hədəf alıb və nəticədə bir hərbçi öldürülüb, yeddi nəfər isə yaralanıb.
Həmçinin İsrail mediası bildirib ki, ikinci hadisədə Livanın cənubunda İsrail rejiminin hərbi qüvvələrinin keçdiyi yola yerləşdirilmiş bombanın partlaması nəticəsində dörd nəfər yaralanıb; onlardan ikisinin vəziyyətinin çox ağır olduğu bildirilir.
Media qeyd edib ki, bu hadisə çərşənbə günü səhər və günorta saatlarında həmin bölgədə baş verən iki fövqəladə təhlükəsizlik hadisəsindən ayrıdır.
4359026
