Sionistlərin Cənubi Livanda Hizbullaha qarşı duruş gətirə bilmədiklərini etiraf etməsi
“İQNA”-nın "Əl-Əhd"ə istinadən verdiyi məlumata görə, sionist rejimin ordu radiosu öz hesabatında bildirib: "Hizbullah qüvvələrinin mövcudluğu və müqavimətin tunelləri səbəbindən, bu rejimin ordusu Cənubi Livanın Nəbatiyyə bölgəsindəki "Əli ət-Tahir" yüksəkliklərinə daxil olmağa qadir deyil."
Sionist rejim ordusunun radiosu bu hesabatda əlavə edib: "Ordunun qiymətləndirmələrinə görə, onlarla Hizbullah döyüşçüsü bu bölgədəki döyüş tunellərinin içərisində mövqe tutublar."
Sionist mediası davam edir: "Hizbullah son bir neçə gündə bu bölgənin müdafiəsi üçün şiddətli döyüşlər aparıb və onu qorumaq üçün raket atəşlərini artırıb."
Sionist rejimin ordu radiosu başqa bir hesabatında bildirib ki, Cənubi Livanda dörd tank heyətinin ölməsinin səbəbi elan edildiyi kimi əməliyyat xətası deyil və ordunun ilkin araşdırmalarına görə, bu hadisə xarici zərbə nəticəsində baş verib.
Sionist mediasının bildirdiyinə görə, qiymətləndirmələr bu partlayışın tank əleyhinə raket başlığı ilə təchiz olunmuş kamikadze dronun zərbəsi nəticəsində baş verdiyini göstərir.
Bununla bağlı Livan Hizbullahı bəyan edib: "İsrail düşməni yenidən yalan iddialara əl ataraq, heç vaxt sadiq qalmadığı atəşkəs razılaşmasını pozmasını əsaslandırmağa çalışır. Bu əhdindən dönmə halları cümə gecəsindən bu günə qədər davam edən hərəkətləri əhatə edir."
İsrailin Livanın cənubuna hava hücumlarının davam etdiyi bir vaxtda yayımlanan bəyanatda Hizbullah vurğulayıb: "İslam müqaviməti düşmənin atəşkəsi ilk anlardan etibarən pozmasına baxmayaraq, cümə axşamından bəri ona sadiq qalıb; lakin düşmənin daimi əhdindən dönməsini və fırıldaqçılığını bildiyi üçün barmaq tətiyində olaraq qalıb."
4359456
