Nyu-York ştatının ilkin seçkilərində müsəlman namizədin qələbəsi

İQNA – Fələstin əsilli amerikalı fəal Nyu-York ştatı Senatına keçirilən Demokrat Partiyasının ilkin seçkilərində rəqibinə qalib gəlib.

“İQNA”-nın Fələstin İnformasiya Mərkəzinə istinadən verdiyi məlumata görə, fələstin əsilli amerikalı fəal Abir Qəvvas, Nyu-Yorkun Kuins bölgəsindəki 12-ci seçki dairəsindən ştat Senatına keçirilən Demokrat Partiyasının ilkin seçkilərində (praymeriz) qələbə qazanıb.

Abir Qəvvas bu yarışda rəqibi Stiven Raqanı üstələyərək, qarşıdakı ümumi seçkilər yolunda mühüm bir qələbəyə imza atıb.

Bu qələbə noyabr ayında keçiriləcək ümumi seçkilər baxımından xüsusi əhəmiyyət kəsb edir, çünki 12-ci seçki dairəsi Nyu-York ştatında Demokrat Partiyasının əsas dayaq nöqtələrindən biri hesab olunur.

Fələstin əsilli ictimai fəal olan Qəvvas öz seçki kampaniyasını mənzil təminatı, sosial ədalət və mühacirlərin hüquqları kimi məsələlər ətrafında qurmuşdu.

4360147