Ərbəin Quran proqramları "Quranla cənnət yolunda" adlı məclisin keçirilməsi ilə başlayır

İQNA – "Quranla cənnət yolunda" məclisi şəhidlərin yüksək məqamını anmaq, Quran və Əhli-Beyt (ə) mədəniyyətini təbliğ etmək və Ərbəin Quran proqramlarının rəsmi başlanğıcını qeyd etmək məqsədilə qari, hafiz, fəallar və Quransevərlərin iştirakı ilə İmam Rzanın (ə) hərəmində keçirilir.

“İQNA”-nın məlumatına görə, ümmətin şəhid rəhbərinin, müqəddəs müdafiə (İran-İraq müharibəsi) şəhidlərinin xatirəsinin yad edilməsi və Ərbəin Quran proqramlarının başlanması ilə paralel olaraq, Ərbəin Mədəni Qərargahının Quran Fəaliyyətləri Komitəsinin təşəbbüsü ilə "Quranla cənnət yolunda" adlı Quranla ünsiyyət məclisi təşkil olunur.

Bu məclis 1 iyul 2026-cı il, çərşənbə günü, saat 17:00-dan 18:30-dək ölkə və beynəlxalq səviyyəli bir qrup qari, hafiz və ustadın iştirakı ilə Rəzəvi hərəminin İmam Xomeyni (r.ə) ravagında keçiriləcək.

Bu Quran məclisində beynəlxalq səviyyəli qari Cavad Pənahi və Quranın tam hafizi Rza Gülşahi Allahın kəlamından ayələr tilavət edəcəklər. "Nəsime Rizvan" həmxanlıq qrupunun çıxışı bu məclisin digər hissələrindən biridir.

Məclisin digər hissəsində isə Quranın tam hafizi höccətül-islam vəl-müslimin Mahmud Məhəmmədyan, həmçinin ölkənin seçkin qariləri Rza Şah-Mivə və Cavad Süleymani Allahın kəlamından ayələr tilavət edəcəklər.

Təşkilatçıların bildirdiyinə görə, bu məclis "Quran" televiziya kanalı və "Quran" radiosu vasitəsilə canlı yayımlanacaq.

4361196