Şeyx Səbrinin İsrailin Məscidül-Əqsanı dağıtmaq planı ilə bağlı xəbərdarlığı
“İQNA”-nın "əl-Əhd"ə istinadən verdiyi məlumata görə, Məscidül-Əqsanın xətibi Şeyx Əkrəmə Səbri işğal olunmuş Qüds və Məscidül-Əqsada baş verən son hadisələr barədə xəbərdarlıq edərək, yəhudi köçkünlərin və sionist rejim rəsmilərinin bayram və Tövrat münasibətləri günlərində bu müqəddəs məkana təcavüzlərinin şiddətlənməsinə dair xəbərdarlıq edib.
Məscidül-Əqsanın xətibi sionist rejimin nazirlərinin, rəsmilərinin və Knesset (parlament) üzvlərinin Məscidül-Əqsaya edilən basqınlarda ön cərgələrdə iştirakına işarə edərək vurğulayıb: "Bu hərəkətlər hücumlara siyasi örtük və qanuni görünüş vermək məqsədi daşıyır."
O, əlavə edib: "Basqınlarda yəhudi köçkünlərin sayının artması və ya işğalçı rejimin rəsmilərinin rəsmi dəstəyi, bu rejim üçün Məscidül-Əqsada heç bir haqq və ya legitimlik yaratmayacaq."
Şeyx Əkrəmə Səbri çıxışının digər bir hissəsində sionist rejimin Məscidül-Əqsanın altında və Silvan bölgəsində apardığı davamlı qazıntılar barədə xəbərdarlıq edərək deyib: "Bu qazıntılar Məscidül-Əqsanın təməllərini uçmaq təhlükəsi ilə üz-üzə qoyub."
Məscidül-Əqsanın xətibi işğalçı rejimin gizli planına toxunaraq vurğulayıb: "Sionist rejim elə bir mərhələyə çatmağa çalışır ki, Məscidül-Əqsanın bir hissəsi zəlzələ kimi təbii görünən amillər və ya dolayı ziyanlar nəticəsində uçsun; o zaman bu hadisəni təbii amillərlə əlaqələndirərək beynəlxalq ictimaiyyət qarşısında məsuliyyətdən qaçmağa cəhd edəcəklər."
Bu mövzuda İslam Müqavimət Hərəkatı (HƏMAS) "Məbəd" adlı ekstremist qrupların Məscidül-Əqsaya qarşı təhlükəli hərəkətlərinin şiddətlənməsi ilə bağlı xəbərdarlıq edərək bildirib: "Bu qruplar minlərlə köçkünü "Məbədin dağıdılması ildönümü" adlandırılan qondarma münasibətlə bu müqəddəs məkana hücum etməyə çağırır."
HƏMAS-ın bəyanatının bir hissəsində deyilir: "Qüdsdə şəhərin dini və tarixi kimliyini dəyişmək üçün göstərilən səylər, eləcə də bu gün Məscidül-Əqsanın şərq həyətinin daşları üzərində "xilaskar" yəhudiləşdirmə rəmzinin cızılması göz qabağında olan bir təcavüzdür və qarşısında susmaq olmaz."
HƏMAS xəbərdarlıq edib: "Bu hərəkətlər daha böyük qəzəb, müqavimətin güclənməsi və işğalçı rejimlə və köçkün qruplarla qarşıdurma ilə cavablandırılacaq; Fələstin torpağında və müqəddəsatına göz dikən köçkünlər rahatlıq üzü görməyəcəklər."
Bəyanatda qeyd olunub: "Bizim əhdimiz odur ki, Məscidül-Əqsa tamamilə İslamın qalacaq və onun bölünməsi və ya yəhudiləşdirilməsi qətiyyən qəbul edilməyəcək."
HƏMAS Fələstinin müqəddəs yerlərinə hücumun nəticələri barədə xəbərdarlıq edərək vurğulayıb: "Məscidül-Əqsaya edilən hər hansı təcavüz bütün qırmızı xətlərin aşılması deməkdir."
Bu hərəkat qeyd edib: "İşğalçı rejim hücumlarının şiddətini nə qədər artırsa da, yəhudiləşdirməyə əsaslanan bir reallığı diktə edə bilməyəcək və ya Məscidül-Əqsanın ərəb və İslam kimliyini ondan ala bilməyəcək."
HƏMAS həmçinin fələstinliləri namaz qılmağa, Məscidül-Əqsanın həyətlərində və ətrafında davamlı olaraq iştirak etməyə, onu bütün mümkün vasitələrlə müdafiə etməyə və bu müqəddəs məkanın yəhudiləşdirilməsi planlarını uğursuzluğa düçar etməyə çağırıb.
4365619
