“İQNA”-nın “Mədar 21”-ə istinadən verdiyi xəbərə görə, müsabiqə avqustun 10-da, bazar ertəsi Mərakeşdə Səudiyyə Ərəbistanının səfiri Sami bin Abdullah əs-Salehin, bir sıra ərəb və İslam ölkələrinin səfirlərinin, İSESKO-nun baş direktoru Salim bin Məhəmməd əl-Malikin, dövlət rəsmilərinin və bir qrup alimin iştirakı ilə başlayıb və dörd gün davam edib.

Müsabiqədə beş qitədən 53 ölkəni təmsil edən 83 hafiz və qari iştirak edib və müxtəlif kateqoriyalar üzrə bir-biri ilə yarışıb.

Müsabiqə iki bölmədən ibarət olub: Qurani-Kərimin tam hifzi, tərtil və təfsiri, həmçinin ardıcıl beş hizbin hifzi, təcvid və gözəl ifa.

Bu il keçirilən yarışda Qurani-Kərimin tam hifzi, tərtil və təfsiri üzrə 41 iştirakçı, beş hizbin hifzi və təcvid üzrə isə 42 iştirakçı iştirak edib.

Müsabiqə Qurana xidmətin inkişaf etdirilməsi, Quranın əzbərlənməsi və onun üzərində təfəkkürə təşviq, Peyğəmbərin (s) Quranın tilavəti və öyrənilməsi ilə bağlı sünnəsinə riayət edilməsi, habelə Qurani-Kərimin bəlağət xüsusiyyətlərinin öyrənilməsi məqsədilə təşkil olunub.

4369672