Al-Azhar Lingguhang Pagpupulong upang Talakayin ang Hajj sa Quran
Ito ay gaganapin pagkatapos ng mga padarasal ng Maghrib (gabi) sa Linggo sa ilalim ng pangangasiwa ng pinuno ng Al-Azhar na si Sheikh Ahmed al-Tayeb.
Magsasalita sa pagpupulong sina Mohammad Hasan Sabtan, propesor ng Quranic Studies at Interpretation sa Faculty of Religious Studies sa Cairo, at Majdi Abdul Ghaffar Habib, dating pinuno ng Department of Islamic Culture and Propagation ng faculty.
Si Kamal Nasrudin, punong-abala ng Radyo Ehipto, ang magiging direktor ng pagpupulong.
Sinabi ni Abdul Munim Fouad, ang pangkalahatang tagapangasiwa ng mga aktibidad na pang-agham ng Al-Azhar, na ang pagpupulong na ito ay isang mahalagang pagkakataon upang pagnilayan ang mga talata ng Quran at ang mga konsepto nito at magbukas ng bagong mga lugar para sa pananaliksik sa larangan ng mga himala ng Quran.
Ito ay magiging epektibo sa pagpapalakas ng panrelihiyon at pangkultura na kamalayan ng mga kalahok at pag-anyaya sa kanila na pagnilayan nang malalim ang relihiyosong mga teksto, sinabi niya.
Si Hani Awda, tagapag-alaga ng Moske ng Al-Azhar, ay nagpahayag din ng kanyang kaligayahan sa pagpupulong, na binibigyang-diin ang kahalagahan ng mahimalang kalikasan ng Quran sa paghubog ng pagkakakilanlan ng Islamikong Ummah.
Sinabi niya na ang Al-Azhar ay palaging nagsusumikap na magbigay ng kaalaman na nag-aambag sa pagbuo ng mga may kaalaman at napaliwanagan na mga lipunan, at ang lingguhang mga pagpupulong ng Moske ng Al-Azhar ay isang bagong hakbang patungo sa pagkamit ng layuning ito.
Nabanggit niya na ang mga pagpupulong na ito ay ginaganap tuwing Linggo, kung saan ang grupo ng mga iskolar at dalubhasang mga propesor ay nagbibigay ng mga panayam.
Binigyang-diin niya na ang bahagi ng mga sesyon ay ilalaan sa mga tanong at mga sagot at bukas na talakayan sa mga kalahok, na magbibigay sa kanila ng pagkakataong makipag-ugnayan at makipagpalitan ng mga ideya tungkol sa nilalaman ng mga sesyon.
