د ايران د قرانی خبری اژانس (ايكنا) د يو راپور پر اساس، چې د تهران ریډيو له ويب پاڼئ یې نقلوی چې حضرت ايت ا... العظمی خامنه ای، نن سهار د خبرګانو د شورا له مشر او استازو سره په كتنې كې ، د اسلامی جبهې او اسلامی انقلاب ورځ په ورځ پياوړتيا او د استكبار د نظام لالهاندی او كمزورتيا، د اسلامی نظام مهم ټكی وبلل.
هغوی د ايران پر خلاف د بنديزونو او څو پريكړه ليكونو صادرول، او تهمتونه، د داخلی معارضينو د فعاله ساتلو لپاره هڅه او د سلطې نظام له لوری د ارتباطی، سياسی، كلتوری او اقتصادی امكاناتو كارول، د اسلامی جبهې د ورځ په ورځ د پياوړتيا، تجربې او پوهې نخښه وبلله.
هغوی څرګنده كړه، د ايرانی ضد پريكړه ليك صادرول، د اسلامی نظام په خلاف دریځ غوره كول، د ۸۸كال فتنه چې پكښې د دښمنانو لاس بيخی روښانه و او د قرآن شريف ننګين او شرمونكی سپكاوی، داسې اقدامات دی چې د استكبار جبهه د كمزورتيا له كبله ورته مخه كړې ده.
د اسلامی انقلاب ستر مشر، خلك د اسلامی نظام ملاتړ وبلل او زياته یې كړه، له همدې كبله دښمن، په مسولينو د خلكو په بې اعتماده كولو پسې دی او هڅه كوی چې په خپلو تبليغاتو كې د مسولينو هر ښه اقدام هم تيروتنه او د مصلحتونو په خلاف وښايی.
هغوی په تيرو ۳۰ كلونو كې د مسولينو په مقابل كې د خلكو د بې ا عتماده كولو لپاره د دښمنانو د طراحيو او له دغو طراحيو سره د حضرت امام خمينی رحمۀ الله د مقابلې په يادونې سره، څرګنده كړه، په تيرو شلو كلونو كې هم رهبرۍ، د حضرت امام خمينی رحمه الله عليه د سيرت په اساس، د حكومت ملاتړ كړی، او بيا به دفاع وكړی.
د تير كال انتخابات د انقلاب د ارزښتونو او اصولو په اړه د خلكو د مقاومت يوه بيلګه وبلله او زياته یې كړه، خلكو په دغو انتخاباتو كې هغو شعارونو سره چې غير اسلامی رنګ یې درلود، يو ځای نشول، او د هغو پروګرامونو ته یې رايه وركړه چې اسلامی او د ټولنيز عدالت رنګ یې درلود.
هغوی د ۸۸ كال فتنه، د اسلام او ا نقلاب د ارزښتونو او اصولو په اړه د خلكو د مقاومت بله بيلګه وبلله او زياته یې كړه، په هغه فتنه كې حتی هغه كسان چې بل كس ته رايه وركړې وه، د فتنه ګرو د نقاب په لرې كيدا سره، هغوی هم د ارزښتونو او اصولو لپاره ودريدل او ومو ليدل چې د مرغومې په ۹ او د سلواغې په ۲۲ ټول واټونو ته ووتل، او روښانه شوه چې فتنه ګران يو كوچنی لږكی دی .
656411
