عربستان ته د څه باندې ۱.۵ میلیونه حاجیان وارد شوي

ایکنا- سعودي عربستان اعلان کړی چې تر ، جمعې ورځې پورې، له ۱.۵ میلیونو څخه زیات حاجیان د حج د ادا کولو لپاره دغه هېواد ته داخل شوي دي، چې ډېری ئې د هوايي پولو له لارې ورغلي دي.

د ایکنا د راپور له مخې، د آناتولي خبري اژانس لیکلي چې د حج د پاسپورټ  د برخې د ځواکونو قوماندان، برید جنرال صالح المربع، په یوه خبري ناسته کې وویل؛ تر اوسه له بهرنیو هېوادونو څخه څه باندې ۱.۵ میلیونه حاجیان سعودي عربستان ته داخل شوي دي، چې له دې ډلې څخه تر ۱.۴ میلیونو زیات کسان د هوايي پولو له لارې، کابو  ۴۵ زره کسان د ځمکنيو پولو له لارې، او  کابو  ۶ زره کسان د سمندر له لارې ورغلي دي.

هغه زیاته کړه چې سعودي عربستان ته د حاجیانو د داخلېدو موده   پای ته د رسېدو په حال کې ده.

د سعودي عربستان د احصایو  د ادارې د معلوماتو له مخې، د ۲۰۲۵ کال د تېر حج په موسم کې، د کورنیو او بهرنیو حاجیانو شمېر یو میلیون او ۶۷۳ زره او ۲۳۰ کسانو ته رسېدلی و.

د حج موسم به د ذی‌الحجې میاشتې له اتمې نېټې، چې د مئ له ۲۵  نېټې دوشنبې ورځې سره سمون خوري، پیل شي، او د حج مراسم به د ذی‌الحجې تر ۱۳  نېټې (د مئ تر ۳۰ ) د شپږو ورځو لپاره دوام وکړي.

په دغو مراسمو کې په عرفات کې تم کېدل، په مزدلفه کې شپه تېرول، د جمراتو ویشتل، د طواف افاضه ترسره کول او د طواف وداع ادا کول شامل دي.

https://iqna.ir/fa/news/4353701