سياسی ډله: د اسلامی انقلاب معظم لارښود حضرت آيت الله العظمی سيد علی خامنه ای د ايران د اسلامی جمهوريت د اطلاعاتو د وزارت د ليدو په وخت د بيلا بيلو فعاليتونو او پرمختګونو په نندارتون كې په شتون سره د دغه وزارت د كاركونكو د زړه سوانده او مخلصو هڅو په قدرونې سره دغه وزارت له اسلامی انقلابه د راپورته شويو ادارو ټولګه وباله.
د ايران د قرانی خبری اژانس (ايكنا) د يو راپور پر اساس، د اسلامی انقلاب ستر لارښود پخپلې وينا كې هم دا راز د اطلاعاتو په وزارت كې د انسجام په ساتلو، له ګوندی تفكره ورآخوا د كتنې په ضرورت او دقت، د دښمن او د سياسی او لنډ فكره بهيرونو د نفوذ په وړاندې په حساسيت او د تجربه كار ځواك له تجروبو په استفادې ټينګار وكړ.
د اسلامی انقلاب معظم لارښود دغه راز روښانه كړه د ايران د اسلامی جمهوريت د اطلاعاتی ادارې يو غوره امتياز د هغو ځای كيدا او په نړۍكې د يوې استخباراتی ټولګې هم بيلګه نه ګرځول دی.
د اسلامی انقلاب معظم لارښودهم دا راز په سيمې كې زياتيدونكی اسلامی ویښتيا يوه لويه پیښه وبلله او زياته ئې كړه، په سيمې كې اوسنی بدلونونه به په چورلټ ډول د نړۍ په راتلونكی اغيزې وشيندی،پر دې اساس بايد دغه بدلونونه په فعال ډول وڅارل شی او د هغو د بيلابيلو اړخونو څیړنه وشی.
حضرت آيت الله خامنه ای په سيمې كې اوسنۍ اسلامی ویښتيا له اسلامی انقلابه اخستل شوی الهام او د ايران د ملت د مقاومت نتيجه وبلله او ټينګار ئې وكړ، د استكبار جبهه او د هغو په سر كې امريكا ښه پوهیږی چې د دغو ولسی خوځښتونو بيلګه د ايران اسلامی انقلاب دی، پر دې اساس هڅه كوی څو دغه بيلګه يوه ناكامه تجروبه وښئ په داسې حال كې چې د سلواغې د مياشتې د ۲۲ ورځې د ولس د ميليونی پرتمين لاريون د عظمت په مقابل كې ئې سترګې ټیټې شوی دی.
757297
