د ايران د قران خبرې اژانس (ايكنا) د يو راپور پر اساس، د اسلامی انقلاب معظم رهبر حضرت آيت الله خامنه ايی وويل چې د ظلم، استكبار، او زور وينې جبهه له ظاهری هياهوی او شور ماشور پر خلاف مخ پر كمزورۍ او زوال په لور روانه ده .
د اسلامی ايران د درستو قواوو قوماندان په دې ټينګار سره چې د ايران ملت راتلونكې ته هيله من دئ او د راتلونكې افق هغه ته په موسكا دئ زياته كړه د اسلامی ايران سرلوړی ځوانان چې دا هيواد په هغوی پورې تړاو لری بايد د پرمختګ پر مسير خپلو پياوړو او ګړنديو ګامونو ته دوام وركړی تر څو د اسلامی امت لوړوالئ او وقار پرځایښت ومومی .
د اسلامی انقلاب معظم رهبر د نيكمرغۍ پولو ته د حركت بهير د تيرو نسلونو د زيارونو او قربانيو پايله وبلله او زياته ېې كړه د بهير هواروالئ د زحمت او سختيو د نه شتون معنی نه وركوی بلكې په بهير د حركت دوام لا هم استقامت او دريدا ته اړتيا لری .
د درستو قواوو قوماندان په الهی بيعت د فوځ ،بسيجو او د انقلاب د ساتندويه ځواكونو له دريدا او استقامت په ستاينې سره ټينګار وكړ د مقدسې دفاع په پړاو كې وسله والو ځواكونو له خپل ځانه تل پاتې حماسې پریښودې چې تل بايد له هغو ګټه واخيستل شی او د راتلونكې د لارې مشال وګرځی .
حضرت آيت الله خامنه ايی د امام حسين ع پوهنتون ته د ورتګ په سر كې د نوم وركو شهيدانو مزار ته په ورتګ سره د مقدسې دفاع د شهيدانو ياد او خاطره هم ولمانځله .
1015144
