د اسلامي هېوادونو د لوړو زدهکړو د وزیرانو دویمه غونډه په تهران کې
د ایکنا د راپور له مخې، دا غونډه د ساینسي او ټکنالوژیکي ملګرتیاؤ د پراخولو، په تیره بیا د مصنوعي هوش (آرټيفیشل اینټیلیجنس) په برخې کې له پلان سره سم جوړېږي.
په دې نړیوالې پیښې کې،چې تمه کېږي له۲۰ څخه د لازیاتو اسلامي هېوادونو استازي پکې ګډون وکړي،د مصنوعي ذکاوت په اړه لومړنی څو اړخیز سند به وڅېړل شي او تصویب به شي.دا سند د اسلامي نړۍ د تعلیمي،ساینسي او ټکنالوژیکي تعاملاتو د پیاوړتیا، په ځانګړې توګه د مصنوعي ذکاوت په برخه کې د کورنیو ظرفیتونو د ودې او د ګډو فرصتونو د کارونې په موخه لیکل شوی دی.
د پیښې په لومړۍ ورځ، د کارپوهانو او ټکنالوژستانو سره تخنیکي ناستې به ترسره شي چې د اسلامي نړۍ د ساینسي، ټکنالوژیکي او پوه بنسټه شرکتونو د پرمختګونو او ننګونو په اړه د نظرونو د تبادلې فرصت برابروي.
د پروګرام په دوام کې ، د دویمې ورځې په ترڅ کې،د اسلامي هېوادونو د لوړو زدهکړو وزیران او لوړپوړي چارواکي به ګډ ستراتیژیک لیدلوري په اړه خبرې وکړي.
د OIC- د خبرو اترو پلټ فرم د غړو اسلامي هېوادونو د لوړو زدهکړو وزیرانو د دویمې غونډې ترسره کول،د ایران د علومو،تحقیقاتو او ټکنالوژۍ وزارت له خوا،د مصنوعي ذکاوت د راتلونکي لپاره د ستراتیژیک لیدلوري د ترسیم او د ایران د ساینسي او ټکنالوژیکي دیپلماسۍ د پیاوړتیا لپاره یوه ستراتیژیکه موقع ده.
دا پیښه به د تجروبو د مبادلې، د ټکنالوژۍ د انتقال او دپوهنتوني ملګرتیاؤ د پراختیا لپاره د مناسبه فضا د رامنځته کولو ترڅنګ،د اسلامي نړۍ د مخکښو هېوادونو له ساینسي او ټکنالوژیکي ظرفیتونو څخه په ګټې اخیستنې، د ساینسي، ټیکنالوژیکي او لوړو زدهکړو ننګونو د ارزونې او پیاوړتیا په لاره کې مرسته وکړي.
https://iqna.ir/fa/news/4283109
