کربلاء میں عراقی طلباء کی جانب سے«امام زمانہ(عج)» کے لیے ختم قرآن کا اہتمام
ایکنا نیوز- آستانہ حسینی کے شعبہ تعلقات عامہ کے مطابق آستانے کے دارالقرآن مرکز کے سربراہ شیخ حسن المنصوری کا کہنا ہے کہ اس قرآنی دورے کا آغاز گذشتہ روز ہوچکا ہے اور اسمیں مختلف یونیورسٹیوں کے چالیس طلباء شرکت کر رہے ہیں
انہوں نے کہا : اس قرآنی خوانی دورے کا مقصد یونیورسٹیوں میں قرآنی ثقافت کو عام کرانا ہے ۔ طلباء کی ذمہ داری ہے کہ اپنے اخلاق کو قرآنی اخلاق بنانے کی کوشش کریں اورایسی ثقافت جو اسلامی تعلیمات سے دور کرے اس سے بچنے کی کوشش کریں۔
قرآن خوانی دورے کے سربراہ عماد طالب موسی نے «امام منتظر(عج)» ختم قرآن کے حوالے سے کہا:
تیسرے ختم قرآن بعنوان امام منتظر(عج) کا مقصد قرآن سے متمسک ہونا اور اس کو زندگی میں قابل عمل بنانا
اور یونیورسٹی کورسز میں اسکو ایک مضمون کے طور پر اختیار کرنا ہے ۔
قابل ذکر ہے کہ ختم قرآن پندرہ روز تک دارالقرآن آستانہ حسینی کربلاء میں جاری رہے گا اور روزانہ صبح سویرے تفسیر،قرآنی علوم اور دیگر قرآنی اور اسلامی موضوعات پر دروس کا سلسلہ بھی پروگرام میں شامل ہے
دارالقرآن آستانہ مقدس حسینی کی کوشش ہے کہ اس طرح کے پروگراموں کے زریعے سے عراق میں یونیورسٹی سطح پر قرآنی ثقافت کو فروغ دیا جائے۔
