{ بين الاقوامی قرآنی خبر رساں ايجنسی ﴿﴿ ايكنا ﴾﴾ } كی رپورٹ كےمطابق امارات كے روزنامہ ٫٫دار الخليج ٬٬ نے اس چار روزہ كانفرنس كا ذكر كرتے ہوۓ لكھا ہے كہ اس میں ۲۵۰ دانشور ، محقق اور اسلامی علوم كے ماہرين كے علاوہ عالمی يونيورسٹيوں كے نمائندے بھی شريك ہوں گے ۔
اس كانفرنس كے انعقاد كا مقصد مسلم علماء كے مابين باہمی تعلقات كا فروغ ، انسانی تمدن كی علمی ترقی میں مسلمان علماء كی شركت كو جلوہ گر كرنا بتايا گيا ہے ۔
اس كانفرنس میں اسلامی تمدن كی ترقی اور اسلام میں علم و عقل كی اہميت ، مسلمانوں كے آپس میں مباحثوں كے اساليب اور ان كے علمی ترقی میں كردار پر بھی بحث كی جاۓ گی ۔ اس كے علاوہ انسانی شناخت ، اسلام كی نگاہ میں كائنات كی معرفت ، اسلامی علوم كی ترقی میں مسلم علماء كی شركت ، اس طرح فزكس ،علم حساب ، جغرافيا ، زراعت اس كانفرنس كے دوسرے عناوين ہیں ۔ شارجہ يونيورسٹی میں شعبہ علوم كے سربراہ ٫٫ حميد مجول النعيمی ٬٬ نے كہا كہ شارجہ يونيورسٹی میں پہلی عالمی انجمن كی تاسيس كی جا رہی ہے جس كا عنوان ٫٫ علوم انسانی كی تاريخ ٬٬ ہو گا اور اس كے علاوہ مختلف شعبہ جات كو اسلامی ممالك كی يونيورسٹيوں میں بھی فعال كيا جاۓ گا ۔ انہوں نے كہا كہ اس كانفرنس میں شريك مہمانوں كے توسط سے ٫٫ علوم كی تاريخ ٬٬ كے موضوع پر كتاب كی فراہمی اور اس كا دنيا كی زندہ زبانوں جيسے انگريزی ، فرانسيسی وغيرہ میں ترجمہ اس كانفرنس كے ديگر نتائج میں سے ہو گا ۔
214806