بين الاقوامی قرآنی خبررساں ايجنسی" ايكنا" كی رپورٹ كے مطابق " العرب آن لائن" نے لكھا ہے كہ اس تفسير قرآن كو " تيسيرا لتفسير" سے موسوم كيا گيا ہے۔ اور اسے مصری مسلمان خاتون " فوقیہ ابراہيم الشربينی" نے تاليف كيا ہے۔ مذكورہ تفسير كا مجمع تحقيقات اسلامی نے جائزہ لينے كے بعد اس كی اشاعت سےموافقت كر دی ہے۔ الازہر كے اس ادارہ نےمذكورہ تفسير كی جانچ پڑتال كا كام تين سال میں انجام ديا ہے۔ یہ تفسير چارجلدوں پر مشتمل ہے۔ اس تفسير كو تاليف كرنے پر سات سال كا عرصہ لگا ہے اور تين سال تك اس كی اشاعت كے لیے انتظار كيا گيا ہے۔ الشربينی ۷۲ سالہ خاتون ہیں انھوں نے اس تفسير كی تحرير كرنے میں احاديث ، مسلمان علماء اور دانشوروں كے صحيح مصادر سے استفادہ كيا ہے۔
335376